2017-დან მოყოლებული ყოველწლიურად ბილი აილიში ინტერვიუს წერს, რომელსაც დროის კაფსულა ეწოდება და ეს ახალგაზრდა მომღერალი თავის კარიერაზე, პიროვნებასა და ცვლილებებზე ერთი იმავე კითხვებს სცემს პასუხს.

Vanity Fair-მა ეს ინტერვიუ უკვე ტრადიციად აქცია და 15, 16, 17 და 18 წლის ასაკში ჩაწერილი ინტერვიუების შემდეგ ახლა უკვე ცხრამეტი წლის ბილი აილიში ლაპარაკობს თავის ცხოვრებაზე რიგით მეხუთე ინტერვიუში, რომლის სრულად მოსმენა და შეფასება უკვე შეგვიძლია.

არა თუ პირველ ინტერვიუსთან, არამედ გასულ წელთან შედარებითაც კი პირველი დიდი ცვლილება, რაც მაშინვე მოხვდება მაყურებელს თვალში, ეს ბილი აილიშის სტილია: მომღერალი ამჯერად ქერა თმით იქცევს ჩვენს ყურადღებას.

ბილი აილიში აღნიშნავს, რომ ბოლო ერთი წლის განმავლობაში ბევრი რამ შეიცვალა მის ცხოვრებაში:

"უკვე ზრდასრული ადამიანის ცხოვრება დავიწყე, რაც ჩემთვის ახალია და ეს ყველაფერი ძალიან ამაღელვებელია, რადგან უკვე ახალი გამოცდილება, ახალი ადამიანები და ბევრი სიყვარული მივიღე", — ამბობს ინტერვიუში.

ეს სიახლე არ იქნება მათთვის, ვინც უკვე მოუსმინა მომღერლის ახალ ალბომს Happier Than Ever.

წინა წლების ინტერვიუების სრულად მოსმენა ქვემოთ მოცემულ ვიდეოებში შეგიძლიათ:

2017-2018

2019

2020

ასევე იხილეთ: