მოდისა და პოპკულტურის ყოველთვიურმა ცნობილმა ამერიკულმა გამოცემამ Vanity Fair 2017 წელს ახალგაზრდა მომღერალთან, სასცენო სახელით ბილი აილიში, პირველი ვიდეოინტერვიუ ჩაწერა და შემდგომ წლებში ის ერთგვარ ტრადიციადაც აქცია, რომელსაც უკვე მილიონობით მსმენელი მოუთმენლად ელის ხოლმე.

სულ რამდენიმე წუთის წინ ახალი, 2020 წლის ინტერვიუც გამოქვეყნდა, სადაც 18 წლის ბილი აილიში წინა ინტერვიუს ჩაწერიდან ერთი წლის თავზე კვლავ თავისი ცხოვრებისა და კარიერის გზას განიხილავს, ამავდროულად კი მიღწეულ წარმატებებს აჯამებს.

შეგახსენებთ, რომ გასული ერთი წლის განმავლობაში ამ ამერიკელმა შემსრულებელმა გრემის რეკორდი ორჯერ მოხსნა: ჯერ როგორც ყველაზე ახალგაზრდა მუსიკოსი, რომელმაც გრემიზე რეკორდული რაოდენობის — 6 ნომინაცია მოიპოვა, შემდეგ კი მთავარ კატეგორიებში გაიმარჯვა და ყველაზე მეტი ჯილდოც მიიღო.

Vanity Fair-ის ამ შთამბეჭდავ პროექტს, რომელიც შესაძლებლობას გვაძლევს, დავაკვირდეთ, თუ როგორ იპყრობს ბილი აილიში წარმატების მწვერვალებს, დროის კაფსულა ჰქვია და წლევანდელი ინტერვიუს ხილვა ამ ვიდეოში შეგიძლიათ:

რამდენიმე მნიშვნელოვანი ცვლილება ბოლო ინტერვიუდან:

  • ბილი აილიშის გამომწერების რაოდენობამ ინსტაგრამზე 67,5 მილიონს გადააჭარბა. ბოლო ინტერვიუსას (2019 წელს) ეს მაჩვენებელი 40,7 მილიონი იყო, პირველი ინტერვიუსას (2017 წელს) კი სულ რაღაც 257 ათასი;
  • მომღერალმა ახალი ინტერვიუთი გვაცნობა, რომ ტატუ გაიკეთა, თუმცა მას ჩვენ "ვერასდროს ვნახავთ";
  • ასევე თავისი ახალი ოთხფეხა მეგობარი, სახელად შარქი, გაგვაცნო;
  • 2020 წლის მთავარ პირად პრობლემად აილიშმა იდენტობის კრიზისი დაასახელა.

ფოტო: Vanity Fair

ასევე იხილეთ:

ნახეთ წინა წლების ინტერვიუები:

2017-2018

2019