ექსპრეზიდენტ მიხეილ სააკშვილის უკრაინელი ადვოკატი ევგენი გრუშოვეცი აცხადებს, რომ არ შეიძლება, სააკაშვლის საქმის მსგავსი პოლიტიკური საქმეები მხოლოდ ერთი ქვეყნის ტერიტორიით შემოიფარგლოს, შესაბამისად, აპირებენ დაცვის "ევროპული ვექტორის" გააქტიურებას.

"ჩვენი აზრით, ეს არის პოლიტიკური საქმე, რადგან უკრაინაში მსგავსი მუხლებითა და ბრალდებით ციხეში ფაქტობრივად არავინ ხვდება. ჩვენთვის ძალიან მნიშვნელოვანია შევხვდე მიხეილს, დაველაპარაკო და განვსაზღვროთ რას გავაკეთებთ მომავალში, რადგან არსებობს დახმარების სხვადასხვა მიმართულება, მაგრამ კლიენტის გარეშე რაიმე ზომის მიღება არ შეგვიძლია. ვაპირებთ, გავააქტიუროთ დაცვის ევროპული ვექტორიც, რადგან პოლიტიკური საქმეები არ შეიძლება შემოიფარგლოს მხოლოდ ერთი ქვეყნის ტერიტორიით. ასე, რომ იმედი მაქვს, შემიშვებენ ჰოსპიტალში", — აცხადებს ის. [ფორმულას თარგმანი]

ამ დროისთვის გრუშოვეცი საქართველოში იმყოფება და მიხეილ სააკაშვილთან გორის სამხედრო ჰოსპიტალში შეხვედრას გეგმავს. ადვოკატი აცხადებს, რომ ეს მისი თბილისში ჩამოსვლის მეორე მცდელობაა.

19 ნოემბერს იუსტიციის სამინისტრომ მიხეილ სააკაშვილს გორის სამხედრო ჰოსპიტალში გადაყვანა შესთავაზა, რასაც ექსპრეზიდენტი დათანხმდა და შიმშილობა შეწყვიტა. იგი 50 დღე შიმშილობდა.

გუშინ, 23 ნოემბერს, ომბუდსმენის ინიციატივით შექმნილი კონსილიუმის წევრმა, ნერვოლოგმა, თენგიზ წულაძემ მიხეილ სააკაშვილთან შეხვედრის შემდეგ განაცხადა, რომ ექსპრეზიდენტის ჯანმრთელობის მდგომარეობა წინა გასინჯვასთან შედარებით გაუმჯობესებულია. მისივე თქმით, სააკაშვილის სასიცოცხლო პარამეტრები ნორმაშია, თუმცა აქვს სიარულისა და მეტყველების პრობლემა.