ფორმულამ ქართული ოცნების დამფუძნებელ ბიძინა ივანიშვილზე ვიდეო გაავრცელა, სადაც, ტელეკომპანიის ინფორმაციით, ის ბერმუდის სასამართლოში შვეიცარიულ ბანკთან დავის ფარგლებში ჩვენებას დისტანციურად აძლევს. ივანიშვილი ირწმუნება, რომ პოლიტიკაში ყოფნის დროს, რაც მოსახლეობას დაპირდა, შეასრულა.

"ცოტას დავიტრაბახებ, ვერ ნახავთ პოლიტიკის ისტორიაში, რომ მოვიდა გუნდი, გაიმარჯვა, დავინიშნე პირველ პირად საქართველოს და რაც დავპირდი მოსახლეობას, გავაკეთე და ერთი წლის შემდეგ, როდესაც პიკში ვიყავი, თანამდებობა დავტოვე. ასეთი მაგალითი მეორე არ არსებობს პოლიტიკის ისტორიაში, ამას გეუბნებით გულწრფელად, რომ იცოდეთ. მთელი ხალხი უკან დამსდევდა, არავის ჩემი წასვლა არ უნდოდა იმ დროს იმდენად პოპულარული ვიყავი", — აცხადებს ივანიშვილი.

ამასთან ის პრემიერმინისტრ ირაკლი ღარიბაშვილზე ამბობს, რომ ღარიბაშვილი მისთვის ავტორიტეტს არ წარმოადგენდა. ივანიშვილმა, ასევე, თქვა, რომ ღარიბაშვილს არც იურიდიული და, მით უმეტეს, არც ფინანსური განათლება ჰქონდა.

გამოცემა Bloomberg-მა, ასევე, გამოაქვეყნა სტატია, სადაც მედია წერდა, რომ ივანიშვილი შვეიცარიულ ბანკთან დავის ფარგლებში სასამართლო სხდომას საქართველოდან ესწრებოდა.

გაიგე მეტი: