Space X, კერზო კოსმოსური კომპანია, რომლის მიზანიც კოსმოსური მოგზაურობის კომერციალიზაციაა, ისტორიის შექმნას ეცდება.

ილონ მასკის კომპანია, დღეს, პირველად შეეცდება უკვე გამოყენებული რაკეტის Falcon 9-ის საშუალებით დედამიწის ორბიტაზე თანამგზავრი გაიტანოს.

მეორადი რაკეტების გამოყენების ფრაქტიკა უკვე არსებობს, მაგალითად, ჯეფ ბეზოსის Blue Origin-მა, რამდენიმეჯერ მოახერხა მეორადი რაკეტების გაშვება და უკან უსაფრთხოდ დაბრუნება, მაგრამ ეს სატესტო მისიები იყო და ქვე-ორბიტალური ფრენები შესრულდა. Space X-ის შემთხვევა კი განსხვავებულია, ეს სავარჯიშო მისია არ არის და უფრო მეტიც, ამ შემთხვევაში რისკის ქვეშ კომერციული კლიენტია, რომელსაც კოსმოსში თავისი თანამგზავრის გაშვება სურს.

მისიის წარმატებით შესრულების შემთხვევაში ილონ მასკი და მისი კომპანია საბოლოოდ დაამტკიცებენ, რომ მათი ბიზნეს მოდელი, რაც მრავალჯერადი რაკეტების საშუალებით კოსმოსში მოგზაურობის გაიაფებასა და შესაბამისად, განვითარებას გულისხმობს, ამართლებს და მათი მიზნებიც მიღწევადია.