ქართველი ბავშვები, რომლებიც ევროპაში ცხოვრობენ, ამიერიდან ქართულის სწავლას ინტერნეტით შეძლებენ.

სპეციალური პროექტი 5-დან 15 წლის ასაკის ბავშვებისთვის შეიქმნა. თითო გაკვეთილის ხანგრძლივობა 25 წუთია და კვირაში ორჯერ ჩატარდება.

კურსზე დასარეგისტრირებლად, უნდა შეავსოთ სპეციალური სააპლიკაციო ფორმა, რომელშიც მხოლოდ მოსწავლის სახელი, ასაკი, ქვეყანა და გაკვეთილზე დისტანციურად დასწრების სასურველი დრო უნდა მიუთითოთ.