მიმდინარე წელს საერთაშორისო გამოცემა Global Finance-მა საქართველოს ბანკი საქართველოში მომხმარებლისთვის საუკეთესო ციფრულ ბანკად დაასახელა. გამოცემამ საქართველოს ბანკს ჯილდო მსოფლიო დონის ჟიურის წევრების, Infosys-ის საერთაშორისო ექსპერტების მიერ მიღებული შეფასებების შემდეგ მიანიჭა.

World’s Best Consumer Digital Banks in Central & Eastern Europe 2021-ის ჯილდოს ფარგლებში, საქართველოს ბანკი ცენტრალურ და აღმოსავლეთ ევროპაში ასევე შემდეგ კატეგორიებში დასახელდა საუკეთესოდ: პროდუქტების ონლაინ შეთავაზება, ციფრული გადახდები და განაცხადები, ინფორმაციული უსაფრთხოება და კიბერუსაფრთხოების მენეჯმენტი და საკრედიტო სერვისები.

ამ სტატიაში კიდევ უფრო უკეთესად გაგაცნობთ იმ 5 საინტერესო ციფრულ სიახლეს, რომელსაც საქართველოს ბანკი საკუთარ მომხმარებლებს სთავაზობს და რომელთა გამო დამსახურებულად მოიპოვა საერთაშორისო აღიარებაც.

1. პირველი ანგარიშის სრულად ციფრულად შექმნა

iBank-ის გასააქტიურებლად ბანკის რომელიმე ფილიალში მისვლა აღარ გჭირდებათ: დისტანციურად შეგიძლიათ ნებისმიერი ოპერაციის შესრულება, მათ შორის, ანაბრის გახსნა, ბარათის შეკვეთა და შეთავაზებების გააქტიურებაც კი.

ეს შესაძლებლობა მნიშვნელოვნად ზოგავს დროს და, შესაბამისად, აუმჯობესებს მომხმარებელთა გამოცდილებას.

2. ბიზნეს მობილბანკი

საქართველოს ბანკის მომხმარებლებისთვის კიდევ უფრო მარტივია საკუთარი ბიზნესის მართვა, რაც ბიზნეს მობილბანკის დამსახურებაა. იგი სრულყოფილ დისტანციურ მომსახურებას გვთავაზობს. მომხმარებლებს მობილურით, ნებისმიერი ადგილიდან შეუძლიათ ბიზნესთან დაკავშირებული პროცესების მართვა. ერთ სივრცეში შესაძლებელია, გაეცნოთ ინფორმაციას ანგარიშებსა და ბარათებზე, თვალი ადევნოთ ბოლოს შესრულებულ ოპერაციებს, ასევე ხელმოსაწერ დოკუმენტებს და ა.შ.

3. ონლაინ განვადების ფუნქციონალი

ონლაინ შოპინგის დროს ალბათ რამდენჯერ გვინატრია, რომ განვადებით სარგებლობისთვის მარტივი პროცედურა ყოფილიყო გასავლელი. საქართველოს ბანკმა ამაზეც იზრუნა და ახლა უკვე ონლაინაა შესაძლებელი სასურველ ნივთზე განვადების გაკეთება, რაც მომხმარებლის ენერგიასა და დროს ზოგავს.

განვადების დასამტკიცებლად სულ რამდენიმე წუთია საჭირო. კერძოდ, ონლაინ მაღაზიაში სასურველი ნივთის შერჩევის შემდეგ მომხმარებელს შეუძლია აირჩიოს განვადების მისთვის მისაღები ვადა და ყოველთვიური შენატანის ოდენობა. განვადების მოთხოვნისთვის კი მომხმარებელმა უნდა გაიაროს ავტორიზაცია ონლაინ მაღაზიის ვებგვერდზევე ჩაშენებულ საქართველოს ბანკის ონლაინ განვადების პლატფორმაზე (მისივე იუზერითა და პაროლით). განაცხადზე პასუხს კი მომენტალურად მიიღებს.

"ჩვენი გამოწვევა იყო, რომ მომხმარებლებისთვის ონლაინ შოპინგი რაც შეიძლება კომფორტული და ხელმისაწვდომი გაგვეხადა. სწორედ ამიტომ, ფუნქციონალი, რომელიც შევქმენით, მომხმარებელს, სულ რამდენიმე ღილაკზე დაჭერით საშუალებას აძლევს, ონლაინ განვადებით შეიძინოს ნივთი, შემდეგ კი ძალიან მარტივად და კომფორტულად, მობილბანკის საშუალებით მართოს ის", — აღნიშნავს მარიამ გაგუა, საქართველოს ბანკის Digital Product Owner-ი.

4. სამომხმარებლო სესხის ფუნქციონალი

ამ ფუნქციონალის საშუალებით საქართველოს ბანკის მომხმარებლებს დისტანციურად, ფილიალში მისვლის გარეშე შეუძლიათ სამომხმარებლო სესხის აღება, რაც ნამდვილად ძალიან კომფორტულია, განსაკუთრებით კი პანდემიის პირობებში. მობილ თუ ინტერნეტბანკიდან თითოეულ მომხმარებელს აქვს წვდომა უკვე დამტკიცებულ ლიმიტზე, თუმცა ასევე შესაძლებელია სასურველი თანხის დისტანციურად მოთხოვნაც.

5. ფიზიკური პირების ინტერნეტბანკის განახლება

საქართველოს ბანკის ინტერნეტბანკი რომ რეგიონის მასშტაბით მომხმარებლებისთვის ყველაზე კომფორტულია, ამას Global Finance-ის ორგზის ჯილდოც ადასტურებს. ბანკი მუდმივად ზრუნავს მობილური აპლიკაციისა თუ ინტერნეტბანკის განვითარებასა და დახვეწაზე, რაც, პირველ რიგში, მომხმარებლების უკუკავშირზეა დაფუძნებული. საქართველოს ბანკში თითოეული მომხმარებლის აზრს ითვალისწინებენ და ცდილობენ, კომფორტი შეუქმნან მათ.

საქართველოს ბანკმა დისტანციურად მუშაობის პირობებში მოახერხა და შეასრულა თავისი მიზანი — გაემარტივებინა და გაეახლებინა ციფრული არხები მომხმარებლებისთვის და, ამავდროულად, ყველა სერვისი, მობილ თუ ინტერნეტ ბანკის საშუალებით, მაქსიმალურად ხელმისაწვდომად ექცია.

საქართველოს ბანკი არ ჩერდება და კიდევ ბევრ საინტერესო ციფრულ სიახლეს გვპირდება.