ბრიტანეთის საელჩოს განცხადებით, საქართველოში თვითმმართველობის არჩევნები კონკურენტუნარიან გარემოში ჩატარდა, თუმცა დარღვევების შესახებ გავრცელებულმა ბრალდებებმა პროცესი დააზიანა.

"მხარს ვუჭერთ ეუთო/ოდირის შეფასებას, რომ საქართველოში ადგილობრივი არჩევნები კარგად ადმინისტრირებული იყო და ჩატარდა კონკურენტუნარიან გარემოში, თუმცა დარღვევების შესახებ გავრცელებულმა ბრალდებებმა პროცესი დააზიანა.

აღნიშნული ხარვეზები აუცილებლად უნდა აღმოიფხვრას. იმედი გვაქვს, ყველა პოლიტიკური პარტია ჩაერთვება მე-2 ტურის კამპანიაში საერთაშორისო სტანდარტების გათვალისწინებით", — აცხადებენ საელჩოში.

ეუთოს/ოდირის სადამკვირვებლო მისიის შეფასებით, 2 ოქტომბრის არჩევნები მეტწილად მშვიდ გარემოში, გამჭვირვალედ და ორგანიზებულად ჩატარდა. აქვე აღნიშნულია ისიც, რომ არჩევნები პოლიტიკური კრიზისისა და მძაფრი პოლარიზაციის ფონზე მიმდინარეობდა. სადამკვირვებლო მისიის ხელმძღვანელის, ალბერტ ჯონსონის განცხადებით, ცალკეული უბნებზე ოქმების შევსებასთან დაკავშირებულმა პროცედურულმა ხარვეზებმა მნიშვნელოვანი სირთულეები შექმნა, თუმცა, საერთო ჯამში, ის ხმის დათვლის პროცესს პოზიტიურად აფასებს.