ტელეკომპანია იმედის დაკვეთით, საზოგადოებრივი აზრის კვლევის ცენტრმა გორბი კვლევა ჩაატარა, რომლის მიხედვით, გამოკითხულთა 49,6% ქართულ ოცნებას აძლევს ხმას, რესპონდენტთა 25,9% კი ნაციონალურ მოძრაობას ასახელებს. გორბის კვლევის მონაცემებით:

  • გამოკითხულთა 5,3%-მა გიორგი გახარიას საქართველოსთვის ირჩევს;
  • პატრიოტთა ალიანსი — 4,1%;
  • ევროპული საქართველო — 2,7%;
  • ლელო — 2,6%;
  • გიორგი ვაშაძის მესამე ძალა — 2,2%,
  • ზურაბ ჯაფარიძის გირჩი — 2%;
  • ლეიბორისტული პარტია — 1,8%;
  • ალეკო ელისაშვილის მოქალაქეები — 1,5%
  • გირჩი — 0,9%.

ტელეკომპანის იმედის ცნობით, გორბმა ქვეყნის მასშტაბით მოსახლეობის სოციოლოგიური გამოკითხვა 10-19 სექტემბერს ჩაატარა. ტელევიზიის განცხადებით, კვლევაში ასახულია მხოლოდ იმ რესპონდენტთა პასუხები, რომლებმაც ინტერვიუერს დაუდასტურეს, რომ არჩევნებში მონაწილეობას აპირებენ.

მათივე ინფორმაციით, მოსახლეობა პირისპირ ინტერვიუირების მეთოდით გამოიკითხვა, რესპონდენტთა შესარჩევად, გამოყენებული იყო მრავალსაფეხურიანი შემთხვევითი შერჩევის მეთოდი. საველე სამუშაოებისას ჯამში 2 000 რესპონდენტი გამოიკითხა. კვლევის შედეგების ცდომლების ზღვარი ქვეყნის მოსახლეობისთვის +/- 2.5%, თბილისის მოსახლეობისთვის - +/3,4%-ია. კვლევის სამიზნე ჯგუფი იყო ზრდასრული მოსახლეობა, რომელიც ცხროვრობს საქართველოს ტერიტორიაზე და არის რეგისტრირებული ამომრჩევლი იმ უბანზე, სადაც ტარდება მისი ინტერვიუირება. კვლევამ არ მოიცვა მოსახლეობა, რომელიც ცხოვრობს ოკუპირებულ ტერიტორიებზე ან იმყოფება პენიტენციური სისტემის დაწესებულებებში, საავადმყოფოებში და სხვა სპეციალურ დაწესებულებებში, მათ შორის ჯარში. წარმოდგენილი მონაცემები ეფუძნება სავარაუდო ამომრჩეველთა აზრს.