სანამ ბესტსელერის ავტორი გახდები, რთული გზაა გასავლელი. ზოგიერთმა მწერალმა სიღარიბისა და მძიმე ცხოვრების მიუხედავად, შეძლო დაეწერა წიგნი, რომლითაც ისტორიის ნაწილი გახდებოდა.

ჩვენ მოკლედ მოგითხრობთ ამ მწერლების წარმატების ისტორიას

_{ჯოან როულინგი}

ჯოან როულინგი ცნობილი მწერალი ჰარი პოტერის სერიით გახდა, თუმცა წარმატება მასთან ადვილად არ მისულა. ჰარი პოტერი და ფილოსოფიური ქვა მწერალმა 1995 წელს შექმნა და წიგნის გამოცემაზე ერთდროულად თორმეტი გამომცემლობისგან მიიღო უარი. ამის მიუხედავად, მარტოხელა დედამ განაგრძო წერა და ერთ-ერთი ყველაზე პოპულარული და შემოსავლიანი ავტორი გახდა.

_{ოქტავია ბატლერი}

სანამ წარმატებას მიაღწევდა, ოქტავია ბატლერმა ბევრი სამსახური გამოიცვალა: იგი ტელემარკეტერიც იყო, კარტოფილის ჩიფსების რევიზორიც და ჭურჭლის მრეცხავიც. ბოლოს და ბოლოს, შრომამ შედეგი გამოიღო და ოქტავიამ სამეცნიერო ფანტასტიკის ჟანრში არაჩვეულებრივი წიგნები შექმნა.

_{სტივენ კინგი}

სტივენ კინგის სახელი იმ ადამიანებსაც კი სმენიათ, რომელთაც კითხვა არ უყვართ. თუმცა, ბევრმა არ იცის, რომ ამჟამად ლეგენდად ქცეული ავტორი ერთ დროს დამლაგებელი და სამრეცხაოების ქსელის თანამშრომელი იყო. როულინგის მსგავსად, მისი პირველი რომანის, კერის გამოცემაზე ოცდაათმა გამომცემლობამ განაცხადა უარი. საბოლოოდ, ეს წიგნი გამოიცა და შემდეგ ფილმადაც გადაიღეს.

_{მაია ანჯელოუ}

თუ მაია ანჯელოუს შემოქმედებას იცნობთ, ისიც გეცოდინებათ, რომ მისი წარსული იდეალური არ ყოფილა. ის სექსუალური ძალადობის მსხვერპლი გახდა და 17 წლის ასაკში ბავშვი შეეძინა. ანჯელოუმ შოუ-ბიზნესშიც სცადა ბედი, მოგვიანებით კი, წერამ გაიტაცა. მის სახელზე რამდენიმე პროზაული, პოეტური და ესეისტური წიგნია.

_{ჰელენ კელერი}

ჰელენ კელერის ისტორია ბევრისათვის ნაცნობია. ჰელენი ჯანმრთელობის პრობლემებით დაიბადა, სმენადაქვეითებული იყო და ლაპარაკი უჭირდა, თუმცა განათლების მიღება მაინც შეძლო. მან პირველი ავტობიოგრაფიული წიგნი ოცდაორი წლის ასაკში გამოსცა, რასაც თავბრუდამხვევი წარმატება მოჰყვა.

_{ჩარლზ დიკენსი}

ჩარლზ დიკენსი ყველა დროის ერთ-ერთი ყველაზე პოპულარული მწერალია და მის რომანების ბეჭდვა არასდროს შეწყვეტილა. მის სახელთან დაკავშირებულია მთელი ეპოქა ინგლისური ლიტერატურის განვითარებაში. ბავშვობაში ჩარლზი იძულებული გახდა, სკოლა მიეტოვებინა და ემუშავა. თავიდან მსახიობობა უნდოდა, თუმცა მისმა პირველმა მოსმენამ წარუმატებლად ჩაიარა. ამის შემდეგ კი წერას მიჰყო ხელი, რამაც საოცარი დიდება მოუტანა.