პარტია საქართველოსთვის ლიდერმა, გიორგი გახარიამ ისევ უარი უთხრა ლელოს თავმჯდომარეს, მამუკა ხაზარაძეს დებატებში მონაწილეობაზე. გახარია ამბობს, რომ მაშინ იდებატებს, როცა ხაზარიძე გაბედავს და თავის კანდიდატურას წარადგენს მერობაზე. პასუხად ხაზარაძემ განაცხადა, რომ თუ რეალური მიზეზი ესაა, მაშინ ბადრი ჯაფარიძეს დაუჯდეს დებატებში, რომელიც საკრებულოს თავმჯდომარეობის კანდიდატია.

"მესმის, რომ შიში აქვს პირისპირ დამიჯდეს დებატებში, მაგრამ იმას მაინც უნდა ხვდებოდეს, რომ მერის კანდიდატურა არაფერ შუაშია და ქალაქზე კი არა, ქვეყნის გაპარტახებაში მის მიერ მიღებულ მონაწილეობაზე უნდა ვესაუბრო.

P.S. ბ-ნო გახარია, მე თუ არ მიჯდები და რეალურად ესაა მიზეზი, მაშინ ბადრი ჯაფარიძეს მაინც დაუჯექი დებატებში, საკრებულოს თავჯდომარეობის კანდიდატია", — წერს ხაზარაძე.

მამუკა ხაზარაძემ არაერთხელ შესთავაზა გახარიას სხვადასხვა საკითხზე, მათ შორის ანაკლიის პორტსა და ფულის გათეთრების საქმეზე პირდაპირ ეთერში ესაუბრათ, თუმცა გახარიამ ყოველ ჯერზე უარი თქვა.