მედიის განვითარების ფონდი მიიჩნევს, რომ ტელეკომპანია მაესტრო და მისი წამყვანი მაუწყებლობის შესახებ კანონს არღვევენ. მათი განმარტებით, ბიზნესკონტაქტი ბიზნეს ახალი ამბების შესახებ გადაცემაა. გადაცემის წამყვანი, სანდრო ვეფხვაძე ამავე გადაცემის სპონსორის - პენეტონის რეკლამაში მონაწილეობს.

მაუწყებლობის შესახებ კანონის მოთხოვნები:

  1. ახალი ამბების, საზოგადოებრივ-პოლიტიკური პროგრამების წამყვანი არ შეიძლება მონაწილეობდეს რეკლამაში;
  2. არ შეიძლება ახალი ამბების პროგრამას ჰყავდეს სპონსორი.

მაუწყებლობის შესახებ კანონით, მაუწყებლების მიერ კანონის დარღვევის საკითხებს საქართველოს კომუნიკაციების კომისია განიხილავს. კომისიამ რამდენიმე თვის წინ ჯეოსელის რეკლამაში იმედის, მაესტროსა და საზოგადოებრივი მაუწყებლების მონაწილეობით რეკლამის განთავსების შესახებ იმსჯელა. მაშინ კომისიამ მიიჩნია, რომ რუსთავი 2-მა და იმედმა საინფორმაციო პროგრამის წამყვანების მონაწილეობით რეკლამის განთავსებით მაუწყებლობის შესახებ კანონი დაარღვია და დაასანქცირა.