ჩრდილოეთ ერაყში, ერბილის აეროპორტში, სადაც აშშ-ს ძალებია განთავსებული, დრონებით თავდასხმა განხორციელდა. ინფორმაციას ამის შესახებ Reuters ავრცელებს.

მედიის ცნობით, ქურთისტანის რეგიონის შიდა უსაფრთხოების სამსახური აცხადებს, რომ აეროპორტის მიმდებარედ სამი რაკეტა ისროლეს. ქურთული კონტრტერორისტული ძალების განცხადებით კი, თავდასხმა ფეთქეფადი დრონებით განხორციელდა.

გამოცემა თვითმხილველებზე დაყრდნობით წერს, რომ სულ მცირე ექვსი აფეთქების ხმა გაიგეს, ხოლო მსხვერპლის შესახებ ინფორმაცია, ჯერჯერობით, არ ვრცელდება.