საქართველოს პრეზიდენტი, სალომე ზურაბიშვილი სომხეთის პრემიერმინისტრს, ნიკოლ ფაშინიანს შეხვდა და რეგიონული თანამშრომლობის განვითარების საკითხები განიხილა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

მათივე განცხადებით, აღნიშნულ შეხვედრაზე რეგიონული თანამშრომლობის სამომავლო პოტენციალის გამოყენებისა და განვითარების მნიშვნელობაზე გაამახვილეს ყურადღება.

სომხეთის პრემიერმინისტრი საქართველოში დღეს, 8 სექტემბერს ჩამოვიდა. იგი პირისპირ შეხვდა საქართველოს პრემიერმინისტრს, ირაკლი ღარიბაშვილსაც. ფაშინიანის თქმით, ღარიბაშვილთან განიხილა, რა შეიძლება გააკეთონ რეგიონში ერთმანეთის პოტენციალის გაზრდისთვის. ღარიბაშვილმა კი განაცხადა, რომ ფაშინიანს მედიაციის სრული მზაობა კიდევ ერთხელ დაუდასტურა.