ევროპული საბჭოს პრეზიდენტის შარლ მიშელის განცხადებით, რუსეთის პრეზიდენტ ვლადიმერ პუტინთან საუბარში საქართველოსა და უკრაინის ტერიტორიული მთლიანობისადმი ევროკავშირის მხარდაჭერა დაუდასტურა.

როგორც მიშელი ტვიტერზე წერს, პუტინთან ერთად მსოფლიოში მიმდინარე პოლიტიკური მოვლენები, მათ შორის, ავღანეთში არსებული ვითარება და სომხეთ-აზერბაიჯანის კონფლიქტი განიხილა, რა დროსაც მხარეებს შორის დიალოგის მნიშვნელობას გაესვა ხაზი.

"კიდევ ერთხელ დავადასტურე ევროკავშირის მხარდაჭერა უკრაინისა და საქართველოს ტერიტორიული მთლიანობის მიმართ", — წერს მიშელი ტვიტერზე.

ევროპული საბჭოს პრეზიდენტი, ასევე, წერს, რომ საუბრისას ბელარუსის მიერ ევროკავშირის წევრი ქვეყნების წინააღმდეგ არარეგულარული მიგრაციის იარაღად გამოყენება დაგმო.