ერთიანი ნაციონალური მოძრაობის ერთ-ერთი ლიდერის, ხატია დეკანოიძის თქმით, პრეზიდენტი სალომე ზურაბიშვილი ბოლო რამდენიმე გამოსვლაა, ემიჯნება ქართულ ოცნებას და ეს სწორი პოზიციაა.

"ფაქტია, რომ სალომე ზურაბიშვილი, რომელსაც ჩვეულებრივად ქართული ოცნების სახე ჰქონდა დიდი ხნის განმავლობაში და ჩვენ ყველას გვახსოვს კარგად, როგორ მოხვდა იგი პრეზიდენტის ინსტიტუტის განმკარგველი ამ ქვეყანაში. გვახსოვს, ასევე, ქართული ოცნების მხრიდან სალომე ზურაბიშვილის ბანერების ნაცვლად ბიძინა ივანიშვილის სახეები. მაგრამ, მიუხედავად ამისა, ბოლო რამდენიმე გამოსვლა იყო მისი... უცებ ის უნდა აღვნიშნო, გვახსოვს მისი განცხადებები და წერილები, მათ შორის, საქართველოს ე.წ. ომის დაწყების შესახებ, რაც პტაქტიკულად უპატიებელია ჩემთვის და ძალიან საქართველოს მოქალაქეებისთვის, მაგრამ ბოლო რამდენიმე გამოსვლაა რეალურად, იგი პრაქტიკულად ემიჯნება ქართულ ოცნებას", — აცხადებს დეკანოიძე მთავარი არხის ეთერში.

საქართველოს პრეზიდენტის, სალომე ზურაბიშვილის განცხადებით, ევროკავშირის დახმარებაზე უარის თქმა მისთვის გაუგებარი ნაბიჯია. ამის შესახებ მან საგანგებო ბრიფინგზე ისაუბრა.

საქართველომ ევროკავშირის მაკროფინანსური დახმარების მეორე ნაწილზე უარი თქვა.