საქართველოს პრემირემინისტრის, ირაკლი ღარიბაშვილის განცხადებით, შესაძლოა, ქვეყანაში, ეპიდსიტუაციის დასტაბილურების მიზნით, გარკვეული შეზღუდვები დაწესდეს, ისე, რომ ეკონომიკა არ ჩაიკეტოს.

ღარიბაშვილი აცხადებს, რომ ქვეყანა ეკონომიკის ჩაკეტვას ვეღარ გაუძლებს, მთავრობას კი "ვალების აღება და ხალხის სახლებში გამოკეტვა" არ სურს.

"ყველა შეთანხმდა, მათ შორის, ამერიკის NCDC-ის ხელმძღვანელი, ბატონი ფაუჩი, გამოვიდა ღიად და თქვა, რომ ქვეყანა აღარ ჩაიკეტება. ეს არ არის მთავრობის პოლიტიკა, არამედ, ეს არის მეცნიერების და ეპიდემიოლოგების პოლიტიკა, შესაბამისად, ჩვენ ლოკალური, გარკვეული შეზღუდვები შეიძლება დავაწესოთ, ისეთი, როგორიც ახლა შემოვიღეთ, რომ სიტუაცია დავამშვიდოთ, დავასტაბილუროთ და თან ვმართოთ ეს ეპიდემიური სიტუაცია, ისე, რომ ეკონომიკა არ ჩავკეტოთ ხელახლა, იმიტომ, რომ ქვეყანა ვერ გაუძლებს ამას და აღარ გვინდა ეს ვალების აღება და ხალხის გამოკეტვა სახლებში და დეპრესია და ის საშინელი ნიჰილისტური დამოკიდებულება, რომელიც ქვეყანაში იყო", — განაცხადა ღარიბაშვილმა.

საკოორდინაციო საბჭოს გადაწყვეტილებით, 14 აგვისტოდან 4 საქტემბრამდე მასობრივი შეკრებები სრულად იკრძალება. სამი კვირის განმავლობაში სრულიად იზღუდება ფესტივალები, მასობრივი ღონისძიებები, კონცერტები და სპორტული შეჯიბრებები, იმ სპორტული შეჯიბრებების გარდა, რომელიც საერთაშორისო ეგიდით იმართება.

  • 14 აგვისტოდან 4 საქტემბრამდე, ასევე, შეიზღუდა მუნიციპალური ტრანსპორტის მოძრაობა, შეზღუდვა არ ეხება საქალაქთაშორისო ტრანსპორტს;
  • შეიზღუდა ბავშვთა გასართობი ცენტრების მუშობა;
  • კვების ობიექტების მუშობა, ნაცვლად ღამის 00:00 საათისა, 22:00 საათამდე იქნება დასაშვები;
  • საჯარო უწყებებს ეძლევათ დავალება, თანამშრომლებო მაქსიმალურად მუშაობის დისტანციურ რეჟიმზე გადაიყვანონ. საბჭოს ანალოგიური რეკომენდაციით კერძო სექტორსაც მიმართავს.