ლეიბორისტული პარტიის ლიდერი, შალვა ნათელაშვილი ამბობს, რომ ხალხისთვის კოვიდგენოციდის მოწყობის გამო ბიძინა ივანიშვილის ჰააგაში პარტია უჩივის.

"დღეს საერთაშორისო სისხლის სამართლის სასამართლოში, ანუ როგორც უწოდებენ, ჰააგის ტრიბუნაზე, გაგზავნილია სარჩელი ბიძინა ივანიშვილისა და მისი გარემოცვის წინააღმდეგ ჩვენი ხალხისათვის კოვიდგენოციდის მოწყობის გამო. ამ გენოციდის, ანუ მოსახლეობის მასობრივი მოსპობის, ორგანიზატორი, სულისჩამდგმელი გახლავთ მხოლოდ და მხოლოდ ბიძინა ივანიშვილი, რომელმაც გამოიყენა ეს სასიკვდილო ვირუსი იმისათვის, რომ შეენარჩუნებინა ძალაუფლება", — განაცხადა ნათელაშვილმა.

23 აგვისტოს მონაცემებით, საქართველოში კორონავირუსის 2 354 ახალი შემთხვევა დადასტურდა, გამოჯანმრთელდა 5 200, ხოლო გარდაიცვალა — 60 ადამიანი.

ბოლო 24 საათში ჩატარდა 22 875 კვლევა ტესტით, მათ შორის, ანტიგენის სწრაფი ტესტით — 12 208, PCR ტესტით — 10667.

რაც შეეხება დადებითობის მაჩვენებელს: დღიური არის — 10,29%, ბოლო 14 დღის — 10,94%, ბოლო 7 დღის — 10,8%. სულ აცრილია — 979 813, ხოლო დღიურად აცრილია 17 670 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: