10 ვარსკვლავი, რომელიც თურმე დეოდორანტს არ იყენებს

ჯერ იყო და ჰოლივუდის ვარსკვლავების ნაწილი იმაზე ალაპარაკდა, რომ ბანაობა დიდად სულაც არ უყვართ, ახლა კიდევ აღმოჩნდა, რომ ვიღაცები დეოდორანტის გამოყენებაზე ამბობენ უარს...

დიახ, არ მოგესმათ: ქვემოთ იმ ცნობილი სახეების ჩამონათვალს წარმოგიდგენთ, რომლებმაც სხვადასხვა დროს ღიად განაცხადეს, რომ დეოდორანტთან არ მეგობრობენ და უფრო "ბუნებრივ სუნებს" ანიჭებენ უპირატესობას.

1. რობერტ პატინსონი

მიუხედავად იმისა, რომ რობერტ პატინსონი დიორის სუნამოს სახეა, მან ინტერვიუში განაცხადა, რომ სუნამოს გამოყენება ან სხეულზე სხვა არომატების დამატება არ უყვარს. თურმე მისთვის ისიც უთქვამთ, რომ "ფანქრების" სუნი ასდის.

2. ეზრა მილერი

GQ-სთან ინტერვიუში ეზრამ განაცხადა, რომ პირად ჰიგიენას არას დაგიდევს და ინტერვიუერმაც შენიშნა: "სიგარეტის სუნი უფრო ასდიოდა, ვიდრე — დეოდორანტის".

3. კამერონ დიაზი

კამერონ დიაზმა გაამხილა, რომ უკვე 20 წელზე მეტია, ოფლის საწინააღმდეგო საშუალებებს არ იყენებს.

4. კორტნი კოქსი

Friends-ის (მეგობრები) მსახიობის ყოფილი ქმრის, დევიდ არკეტის თანახმად, კორტნი იშვიათად იყენებდა დეოდორანტს, რის გამოც "სატვირთოს მძღოლის" სუნი ჰქონდა, მაგრამ, როგორც ისევ დევიდმა დაამატა, ეს მას "მოსწონდა".

5. ბრედ პიტი

მას შემდეგ, რაც Chanel No. 5-თან თანამშრომლობა დაასრულა, ბრედ პიტმა შეწყვიტა "ხელოვნური არომატების" გამოყენება. მისმა ყოფილმა პარტნიორმა, ანჯელინა ჯოლიმაც კი აღნიშნა ერთხელ, რომ შვილები მას "სუნიან მამიკოს" ეძახდნენ.

6. ტომ ფორდი

ფოტო: Gregg Deguire / WireImage / Getty Images

წლების წინ ტომ ფორდმა განაცხადა, რომ მოდის სამყაროს ცენტრში ყოფნის მიუხედავად, დეოდორანტებს და სხვა ხელოვნურ არომატებს არ იყენებს, მისი პირადი სურნელი კი "ცოტათი ტკბილი და ცოტათი ძაღლურია".

7. ჯულია რობერტსი

ოპრა უინფრისთან ინტერვიუში ამ ბევრისთვის საყვარელმა მსახიობმა აღნიშნა, რომ დეოდორანტებს არ იყენებს.

8. ბრედლი კუპერი

ბრედლიმ პირად ჰიგიენაზე საუბრისას თქვა, რომ დეოდორანტებს არ იყენებს, სანაცვლოდ კი ცდილობს, დღეში რამდენჯერმე მიიღოს შხაპი.

9. მეთიუ მაკკონაჰი

სხვა ღირსებებთან ერთად, მათიუ მაკკონაჰი იმითაც ცნობილია, რომ უკვე 30 წელზე მეტია, დეოდორანტს არ იყენებს. გავრცელებული ინფორმაციით, ამის გამო ერთხელ გადასაღებ მოედანზე ქეით ჰადსონმა სთხოვა, რომ ცუდი სუნის გასანეიტრალებლად რაღაც დამატებითი არომატი გამოეყენებინა, მაგრამ მეთიუმ უთხრა, რომ მხოლოდ ბუნებრივ სურნელებს სჯერდება.

10. კორტნი კარდაშიანი

კარდაშიანების ცნობილი შოუს ერთ ეპიზოდში კორტნის ყოფილმა პარტნიორმა, სკოტ დისიკმა თქვა, რომ კორტნის "ოფლიანობის" პრობლემა ჰქონდა, რადგან ორსულობისას დეოდორანტის გამოყენება შეწყვიტა.

ბოლო ამბები:

გირჩევთ