ალბათ, იცით, რომ დელფინები ერთ-ერტ ყველაზე კომუნიკაბელურ, მეგობრულ და რაც მთავარია ჭკვიან ცხოველებად ითვლებიან.

ჰოდა, ავსტრალიელ სერფერს განსაკუთრებულად მეგობრული და ცელქი დელფინები შეეჩეხნენ, რომლებმაც მასთან თამაში გადაწყვიტეს. დელფინები ხშირად ეკონტაქტებიან სერფერებს და ზღვაში გასულ სხვა ადამიანებს, მაგრამ ეს შემთხვევა განსაკუთრებულია. სემ იუნთან დამეგობრების მსურველმა ერთ-ერთმა დელფინმა თამაშისას ხტომის უნარების დემონსტრირება მოისურვა, რა დროსაც ტრაექტორია ვერ მოზომა და პირდაპირ სემს დაახტა.

სერფერი არ დაზიანებულა, პირიქით გახარებულია, რომ ასეთი ამბავი სწორედ მას შეემთხვა.

"ზემოთ რომ ავიხედე, მივხვდი, რომ თვითონაც მიხვდა, რომ რაღაც უნდა ექნა და თითქოს მარჯვნივ იწეოდა ჰაერში, რომ არ დამცემოდა, მეც მარცხნივ გავიწიე. ამის მერე, მგონი ერთმანეთში ილაპარაკეს და ახლოს რომ მოდიოდნენ აღარ ხტებოდნენ ბრუნდებოდნენ და უბრალოდ ჩემთან ერთად ცურავდნენ", ამბობს სემი.