მწვანე სკოლის ნაძალადევის კამპუსი ვაქცინაციის წამახალისებელ კამპანიას უერთდება და აცხადებს კონკურსს სასტიპენდიო პროგრამაზე იმ ბავშვებისთვის, რომელთა ოჯახის წევრებსაც ჩატარებული აქვთ კოვიდ 19-ის საწინააღმდეგო აცრები.

კონკურსში მონაწილეობის მიღება შეუძლიათ მეოთხე, მეხუთე და მეექვსე კლასის საჯარო სკოლის მოსწავლეებს, რომლებსაც აქვთ მაღალი აკადემიური მოსწრება და მათი ოჯახის წევრები(18 წლის ზემოთ) აცრილები არიან ვირუსის საწინააღმდეგო ვაქცინით.

შერჩეული მოსწავლეები მწვანე სკოლის ნაძალადევის კამპუსში სწავლის სრულ დაფინანსებას მიიღებენ.

კონკურსში მონაწილეობის სურვილის შემთხვევაში სარეგისტრაციო ფორმა უნდა შეავსოთ.

რეგისტრაცია შეგიძლიათ გაიაროთ პირველი სექტემბრის ჩათვლით.

კონკურსის შესახებ დეტალური ინფორმაცია, მონაწილეობისთვის საჭირო დოკუმენტაციის ჩამონათვალი და კონკურსის ეტაპები იხილეთ ბმულზე.