ბათუმის საქალაქო სასამართლოში საპროტესტო აქციის შემდეგ დაკავებულებიდან 16-ის საქმე დღეს, 12 მარტს განიხილება.

გაზეთ ბათუმელების ინფორმაციით, ამ დროისთვის ოთხი დაკავებულის საქმის განხილვა დასრულდა და მათ 5-5 დღით ადმინისტრაციული პატიმრობა შეეფარდათ.

დაკავებულებიდან ორი არასრულწლოვანი იყო. ისინი მოსამართლე ინდირა მაშანეიშვილმა სასამართლო დარბაზიდან გაათავისუფლა.

ამავე მოსამართლემ დღეს დილით ხელწერილით გაუშვა საქმის განხილვამდე კიდევ სამი დაკავებული. ამ დროისთვის უცნობია, როდის განიხილავს მათ საქმეს სასამართლო.

ბათუმში მომხდარ არეულობაზე გამოძიება ორი მუხლით მიმდინარეობს. შინაგან საქმეთა სამინისტროს ინფორმაციით, დაკავებულია 40-მდე პირი.