შინაგან საქმეთა სამინისტროს პრესსამსახურის ინფორმაციით, ბათუმში მომხდარი არეულობის შედეგად კვლავ 40-მდე ადამიანია დაკავებული.

როგორც უწყებაში On.ge-ს უთხრეს, გამოძიება ორი მუხლით მიმდინარეობს, 225-ე მუხლით - რომელიც მასობრივ არეულობას გულისხმობს და ასევე 353-ე პრიმა მუხლით, რომელიც გულისხმობს პოლიციელზე ან ხელისუფლების სხვა წარმომადგენელზე, ანდა საჯარო დაწესებულებაზე თავდასხმას.

შსს-ში აცხადებენ, რომ ამჯერად ბათუმის ქუჩებში სიტუაცია კონტროლს ექვემდებარება ხოლო არეულობისას დაშავებული პოლიციელების მდგომარეობა სტაბილურია.

უწყებაში ჯერჯერობით არ აკონკრეტებენ ზარალის ოდენობას, ასევე არ გვპასუხობენ, აპირებენ თუ არა მერაბ ღოღობერიძის დაკითხვას, რომელიც თავს აქციის ორგანიზატორს უწოდებს.

როგორ გამოიყურება ბათუმი არეულობის შემდეგ – ფოტოები.