დიდი ბრიტანეთის პრემიერმინისტრი, ბორის ჯონსონი დღეს დაუნინგ სტრიტზე ბელარუსული ოპოზიციის ლიდერ სვეტლანა ტიხანოვსკაიას შეხვდა. ბრიტანეთის მთავრობის ვებ-გვერდზე გამოქვეყნებული ინფორმაციის თანახმად, ჯონსონმა ლუკაშენკოს რეჟიმის მიერ ადამიანის უფლებების მკაცრი დარღვევა და დემოკრატი მოღვაწეების, მათ შორის სვეტლანა ტიხანოვსკაიასა და მისი ქმრის დევნა, დაგმო.

პრემიერმა აღნიშნა ის ნაბიჯებიც, რაც ბრიტანეთმა რეჟიმის პასუხისგებაში მიცემისათვის გადადგა, მათ შორის ლუკაშენკოსთვის სანქციების დაწესება. მან ხაზი გაუსვა დიდი ბრიტანეთის ერთგულებას ბელარუსი ხალხის მიმართ, კერძოდ, ბელარუსიის სამოქალაქო საზოგადოებისადმი ბრიტანეთის ფინანსური დახმარების გასამმაგებით.

ჯონსონი და ტიხანოვსკაია თანხმდებიან, რომ ბრიტანელი და ბელარუსი ხალხი იზიარებს ფუნდამენტურ ღირებულებებს, როგორიცაა დემოკრატიის, ადამიანის უფლებებისა და კანონის უზენაესობის რწმენა. პრემიერმა, ასევე, თქვა, რომ დიდი ბრიტანეთი სოლიდარულია ბელარუსი ხალხისადმი და მათ მხარდასაჭერად ზომების მიღებას გააგრძელებს.