გირჩი მეტი თავისუფლების ლიდერის, ზურაბ ჯაფარიძის თქმით, პრეზიდენტ სალომე ზურაბიშვილთან შეხვედრაზე თანხმობა განაცხადა, რომ იმ პირობით შეხვდებოდა, თუ ის ქართული ოცნების მხრიდან 19 აპრილის შეთანხმების ანულირებას საჯარო შესაბამისად შეაფასებდა. ჯაფარიძე ამბობს, რომ ამის შემდეგ აღარ დაკავშირებიან.

"კი, მეც დამიკავშირდნენ პრეზიდენტის ადმინისტრაციიდან და მითხრეს, რომ პრეზიდენტს სურს შეხვედრა. მე თანხმობა განვაცხადე ერთი პირობით — შევხვდები მას შემდეგ, რაც ქ-ნი სალომე საჯაროდ მისცემს შესაბამის შეფასებას ქართული ოცნების მხრიდან 19 აპრილის შეთანხმების ე.წ ანულირებას. ამის შემდეგ აღარ დამკავშირებიან", — წერს ჯაფარიძე Facebook-ში.

მმართველი და ოპოზიციური პარტიების წარმომადგენლები სალომე ზურაბიშვილთან შეხვედრებს დღეს დილიდან მართავდნენ.