Facebook-ის დამფუძნებელმა მარკ ცუკერბერგმა სოციალური ქსელის საკუთარ გვერდზე გამომწერებს ამცნო, რომ ის და მისი მეუღლე პრისცილა ჩანი მეორე შვილის ელოდებიან.

"მე და პრისცილა მოხარულები ვართ გაცნობოთ, რომ კიდევ ერთი შვილის, გოგოს დაბადებას ველოდებით. ჩვენი გამოცდილებიდან გამომდინარე, რომელიც პირველ შვილს უკავშირდება, არ გვეგონა, თუ მეორე შვილიც გვეყოლებოდა. როდესაც მე და პრისცილამ აღმოვაჩინეთ, რომ ის ისევ ფეხმძიმედ არის, ჩვენი პირველი სურვილი იყო ბავშვი ჯანმრთელი ყოფილიყო, შემდეგი - ბავშვი ყოფილიყო გოგო. ვერ წარმომიდგენია დაზე უკეთესი საჩუქარი მაქსისთვის", წერს ცუკერბერგი.