10 რჩევა, თუ ბიზნესის დაწყებას აპირებ
ყველას გვიფიქრია საკუთარი ბიზნესის დაწყებაზე: რა ჯობია იმას, როცა შენი თავის უფროსი თავად ხარ?! ზოგიერთს ეს საქმე ზედმეტად მარტივად ეჩვენება, ბევრისთვის კი ბიზნესის მართვა გადაულახავ სირთულეებთან ასოცირდება — სინამდვილეში, ამ სფეროში მთავარია სწორად დაგეგმო, მწყობრი ნაბიჯებით იმოძრაო და ყველა რისკი მაქსიმალურად დააზღვიო.
დიახ, იღბალიც საჭიროა, მაგრამ წარმატებამ უკიდეგანო აღფრთოვანებაში არ უნდა ჩაგაგდოს და წარუმატებლობამ — უკიდეგანოვე სტრესში.
მოკლედ, ბიზნესის დასაწყებად ბიზნესგეგმის დაწერა დაგჭირდება. ეს დოკუმენტი დაგეხმარება ნათლად დაინახო თუ რა გსურს, სად მიდიხარ, როგორ შეძლებ საკუთარი მიზნების განხორციელებას და რამდენად ღირს ამ საქმეში დროის, ფულისა და საკუთარი ენერგიის ჩადება. ამასთან, ბიზნესგეგმა პარტნიორებთან ურთიერთობის დასამყარებლადაც გამოგადგება.
თუ დღეს, ან სამომავლოდ ბიზნესის დაწყებას აპირებ და ბიძგი გჭირდება, ეს 10 რჩევა აუცილებლად გამოგადგება:
1. მიჰყევი იდეის გენერალურ ხაზს
მნიშვნელოვანია, რაში მდგომარეობს შენი ბიზნესიდეა. დასაწყისისთვის, ნუ დაიბნევი და მიედ-მოედები სამყაროს. თუ იდეას მაქსიმალურად დახვეწ და დააკონკრეტებ, ეს ძალიან დაგეხმარება. ამასთან, გამოიკვეთება შენი იდეის გენერალური ხაზი — ანუ სად გსურს საბოლოოდ მისვლა. ამ გზაზე მწყობრი ნაბიჯებით გაყოლა ძალიან მნიშვნელოვანი იქნება.
2. გადაწყვიტე: მარტო, თუ პარტნიორთან ერთად
კარგი იქნება თუ ბიზნესის დაწყებამდე გადაწყვეტ, მარტო გსურს და შეგიძლია შენი მიზნების განხორციელება, თუ ამისთვის საქმიანი პარტნიორი გჭირდება. ხშირად საქმეების გადანაწილება მნიშვნელოვნად ამარტივებს საქმეს.
ადამიანები სრულიად უნიკალური შესაძლებლობებით გამოირჩევიან — შესაძლებელია, შენ პერსონალის მართვაში იყო ძლიერი, მაგრამ ნაკლებად გესმოდეს მარკეტინგის საკითხები. ეკონომიკაში ერთი დაუწერელი კანონია: როდესაც ყველა იმ საქმეს აკეთებს, რომელიც კარგად გამოსდის, საბოლოო შედეგის პროდუქტიულობა მაქსიმუმს აღწევს.
ამასთან, შესაძლებელია ბიზნესის მფლობელი მხოლოდ შენ იყო, თუმცა მის სამართავად ძლიერი გუნდი დაგჭირდება. გაითვალისწინე, სწორი ღირებულებების მქონე ადამიანური კაპიტალი წარმატებული ბიზნესის შექმნის ერთ-ერთი მთავარი წინაპირობაა.
3. ფინანსები — შეაფასე საკუთარი იდეა
შეაფასე საკუთარი იდეა — დათვალე ბიუჯეტი. გაითვალისწინე ყველა ფიქსირებული და ცვლადი ხარჯი. ჩადი მაქსიმალურად სიღრმეებში და გამოთვალე, რამდენი გიჯდება ერთი ერთეული პროდუქტის (მომსახურების) წარმოება და დაადე ფასი შენს პროდუქტს.
გაიანგარიშე ყველა შესაძლო ფინანსური სცენარი — რამდენად უნდა გაყიდო შენი პროდუქტი იმისთვის, რომ ბიზნესმა საკუთარი თავის დაფინანსება, შემდგომ კი განვითარება შეძლოს.
4. მოიზიდე სახსრები
ბიზნესის დაწყებამდე დიდი მნიშვნელობა ენიჭება იმას, თუ საიდან მოგაქვს ფული: ეს შენი პირადი დანაზოგია, პარტნიორის თანხაა, თუ საბანკო ვალდებულება.
თუ თანხას სესხად იღებ, მაშინ ფინანსური ანგარიშგებისას მისი სარგებლობისთვის გადახდილი პროცენტის გასავალიც უნდა გაითვალისწინო.
არ გეგონოს, რომ საკუთარ დანაზოგს მსგავსი დანახარჯი არ აქვს — ამას ალტერნატიული დანახარჯი ეწოდება. ანუ, რა თანხას მიიღებდი ამ თანხიდან ბიზნესში რომ არ ჩაგედო და მაგალითად, დეპოზიტზე განგეთავსებინა. ფინანსების დათვლისას ამის გათვალისწინებაც საჭიროა.
5. აღწერე საკუთარი პროდუქტი
ბიზნესგეგმაში შენი პროდუქტი დეტალურად უნდა იყოს აღწერილი. ეს დაგეხმარება, რომ პოტენციური პარტნიორები მარტივად დაითანხმო შენთან თანამშრომლობაზე.
ზოგჯერ ვფიქრობთ, რომ იდეა, რომელიც ჩვენს გონებაშია, ყველასთვის მარტივად გასაგებია. ამ დროს, შესაძლებელია, რომ ის ბევრისთვის გაუგებარი იყოს.
6. შექმენი ბრენდი
იფიქრე საკუთარი ბრენდის შექმნაზე — ეს მნიშვნელოვანია! შესაძლებელია, ბიზნესის დასაწყისშივე ძლიერი ბრენდის შექმნა გაჭირდეს, თუმცა ყოველთვის უნდა გქონდეს სათვალავში რამდენიმე უნიკალური მახასიათებელი, რომელიც სხვებისგან გამოგარჩევს.
ბრენდის შექმნა დაგეხმარება, მომხმარებელმა მარტივად დაგიმახსოვროს და ზუსტად იმ დროს გაახსენდე, როდესაც დასჭირდები. ეს შესაძლებელია იყოს შენი ბიზნესისთვის დამახასიათებელი ლოგო, სლოგანი, ფერი და სხვ.
7. განსაზღვრე, ვინ არიან შენი მომხმარებლები
მნიშვნელოვანია იცოდე, თუ ვინ არის შენი სამიზნე აუდიტორია — ანუ, ვისთვის და ვისზე მუშაობ. ასაკი, სქესი, თუ სხვა ნებისმიერი მახასიათებელი.
როდესაც იცი, ვინ არის შენი პოტენციური მომხმარებელი, მარტივია მას მეტად მოერგო. მისი საჭიროებების მიხედვით განვითარდე. კონკრეტულ მიმართულებაზე კონცენტრირება დაგიზოგავს დროსაც, ხარჯებსაც და ენერგიასაც.
8. განსაზღვრე, ვინ არიან შენი კონკურენტები
კონკურენცია ძალიან მნიშვნელოვანია. არ იფიქრო, რომ უკონკურენტო გარემო იდეალური მდგომარეობა იქნება შენი ბიზნესისთვის. მართალია, ახალი ბაზრების ათვისება მნიშვნელოვან უპირატესობებს იძლევა, თუმცა როდესაც განვითარებაზე ხარ კონცენტრირებული, მნიშვნელოვანია, რომ კონკურენტულ გარემოში ოპერირებდე.
შეისწავლე კონკურენტები კარგად. აუცილებელია იცოდე, რა გამოგარჩევს მათგან და სად იკვეთებით. რომელ კომპონენტებში ფლობ უპირატესობას და სად გჯობნიან ისინი. გათვალე, რამდენად და დროის რა ინტერვალშია შესაძლებელი მათთვის კონკურენციის გაწევა.
9. გათვალე რისკები და მათი დაზღვევის გზები
რისკი ყველა სახის ფინანსურ საქმიანობას ახლავს თან. ეს არ არის ფაქტორი, რომელმაც იმდენად უნდა შეგვაშინოს, რომ ჩვენ მიზნებზე უარი ვთქვათ, თუმცა მასთან ხუმრობაც არ ღირს.
მოკლედ, ფინანსური ანგარიშგება იმგვარად შეადგინე, რომ პესიმისტური სცენარი ყველაზე რთულად წარმოსადგენ შემთხვევებსაც ითვალისწინებდეს. ამასთან, შექმენი ე.წ გადაუდებელი დახმარების ფონდი, სადაც იმ თანხებს შეინახავ, რომელსაც კრიზისის დროს გამოიყენებ. ეცადე, გადაწყვეტილებების მიღებისას ბალანსი დაიცვა. ამასთან, უმრავლეს შემთხვევებში დარჩი რაციონალურობის ფარგლებში, ეს დაგეხმარება მოვლენები ობიექტურად შეაფასო.
10. ჩაატარე ბაზრის გენერალური კვლევა და დაფიქრდი, რა შეიძლება იყოს ხვალ
ბაზრის კვლევა აქამდე ჩამოთვლილი ნაბიჯების უმრავლესობასაც მოიცავს, თუმცა მნიშვნელოვანია იცოდე როგორი ტიპის ეკონომიკაში ოპერირებ. აქ იგულისხმება ქვეყნის (ბაზრის) როგორც ეკონომიკური, ასევე პოლიტიკური ვითარების გარკვევა. ამასთან, უკვე გასათვალისწინებელია ისიც, თუ როგორი ვითარებაა ბაზარზე პანდემიის პერიოდში.
გაიხედე შორს! შესაძლებელია, რომ გზად ბევრი რამ შეცვალო, მაგრამ ძალიან კარგია, როდესაც თავიდანვე ხედავ განვითარების პერსპექტივას — ეს მიზნისკენ სწრაფვაში დაგეხმარება.
შეჯამებისთვის უნდა ითქვას, რომ ბიზნესის დაწყებამდე მკაფიო გეგმის შემუშავება დაგჭირდება. ამისთვის უკვე არსებობს აპრობირებული მიდგომა — ბიზნესგეგმაში ყველა ჩამოთვლილი დეტალი მკაფიოდ იწერება. თუ ბიზნესგეგმის დოკუმენტის შედგენისთვის დახმარება დაგჭირდება, შეგიძლია ეწვიო საქართველოს ბანკის ბიზნესკურსს, სადაც სხვა ონლაინ სემინარებთან ერთად ბიზნესგეგმის უფასო ლექციასაც შეგიძლია დაესწრო.
-
გადახედვაგამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს გამოიყვანეს გენმოდიფიცირებული ძროხა, რომელსაც ადამიანის ინსულინის შემცველი რძე აქვს
-
გადახედვაროცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის როცა შიმშილი გვემუქრება — რა კავშირია კლიმატის კრიზისსა და სურსათის შემცირებას შორის
-
გადახედვადიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე დიუნის კლიმატი — რამდენად შესაძლებელია არაკისის მსგავს პლანეტაზე სიცოცხლე
-
გადახედვაშესაძლოა, მარსზე ერთ მეტეორიტს 3 მილიარდამდე კრატერი წარმოექმნა შესაძლოა, მარსზე ერთ მეტეორიტს 3 მილიარდამდე კრატერი წარმოექმნა
-
-
გადახედვამეტყველების ეს მახასიათებელი შესაძლოა, დემენციის ადრეული ნიშანი იყოს მეტყველების ეს მახასიათებელი შესაძლოა, დემენციის ადრეული ნიშანი იყოს
-
გადახედვაპერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის პერსონალურ მონაცემთა დაცვის სამსახური აცხადებს, რომ ზოგიერთი ორგანიზაცია SMS რეკლამებს მაინც აგზავნის
-
გადახედვაპიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე პიკესთვის ჩემი კარიერა გვერდით გადავდე — შაკირა ყოფილ ქმართან ურთიერთობაზე
-
-
გადახედვაგზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ გზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ
-
-
გადახედვაიენს სტოლტენბერგი სალომე ზურაბიშვილს შეხვდა იენს სტოლტენბერგი სალომე ზურაბიშვილს შეხვდა
-
გადახედვა"გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს "გაიზარდეთ!" — ჰარი პოტერის მსახიობი საგის ზრდასრულ ფანებს კიდევ მიმართავს
-
გადახედვა"ოკუპირებულ ტერიტორიებზე არჩევნების ჩატარება საქართველოს ტერიტორიულ მთლიანობას უხეშად ლახავს" — ზურაბიშვილი "ოკუპირებულ ტერიტორიებზე არჩევნების ჩატარება საქართველოს ტერიტორიულ მთლიანობას უხეშად ლახავს" — ზურაბიშვილი
-
-
გადახედვა"ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს "ხალხის ძალა" პარტიად გადაკეთდა და თავმჯდომარედ სოზარ სუბარი აირჩიეს
-
გადახედვარაზე ილაპარაკა იენს სტოლტენბერგმა — აქცენტები რაზე ილაპარაკა იენს სტოლტენბერგმა — აქცენტები
-
გადახედვამეცნიერებს სოკოს გენმოდიფიცირებით ხორცის შექმნა სურთ მეცნიერებს სოკოს გენმოდიფიცირებით ხორცის შექმნა სურთ
-
გადახედვასაგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას საგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას
-
-
გადახედვაქართულმა ბრენდმა სამოსი AI პლატფორმის დახმარებით შექმნა — რა შეუძლია Decode-ს ქართულმა ბრენდმა სამოსი AI პლატფორმის დახმარებით შექმნა — რა შეუძლია Decode-ს
კომენტარები