ქართველი რეჟისორის, თიკუ კობიაშვილის ფილმი შინაგანი გაზაფხულის ყვავილობა ბერლინის საერთაშორისო კინოფესტივალის კატეგორიაში Forum Special მოხვდა. ფილმი საქართველოში გასულ გაზაფხულზე ჩატარებულ აქციებზეა გადაღებული. ამის შესახებ ინფორმაციას DOCA, საქართველოს დოკუმენტური ასოციაცია ავრცელებს.

სიხარულით გიზიარებთ, რომ თებერვალში Berlinale Forum-ის სპეციალურ პროგრამაში შედგება პრემიერა ქართული მოკლემეტრაჟიანი დოკუმენტური ფილმის "შინაგანი გაზაფხულების ყვავილობა", რომლის რეჟისორი დებიუტანტი თიკუ კობიაშვილია.

2024 წელს თბილისის ქუჩები ე.წ. უცხოური აგენტების შესახებ კანონის წინააღმდეგ პროტესტებმა მოიცვა. თინა, ლუკა, რეჟისორი თიკუ და მათი მეგობრები ამ პროტესტის მონაწილეები არიან. ისინი წინააღმდეგობაში ერთვებიან და ერთად ყოფნით ივსებიან მხნეობით იმ მომავლისთვის, რაც წინ ელით.

ფილმი GIPA-ს აუდიოვიზუალური ხელოვნების პროგრამის სადიპლომო ნამუშევარია.
დოკუმენტური კინოს ასოციაცია ულოცავს თიკუ კობიაშვილს და GIPA-ს ფილმის მსოფლიო პრემიერას ბერლინალეზე! — წერს ასოციაცია.