და აი, ისევ დადგა ეს დღე, როცა ირმა სოხაძის ლეგენდარული ფრაზა უნდა გავიმეოროთ: დრო როგორ გავიდა... დროის გასვლას კი ალბათ მუსიკაზე მძაფრად არც არაფერი გვაგრძნობინებს; უფრო ზუსტად, იმ მუსიკაზე, რომელსაც თურმე ერთი ან ორი კი არა, მთელი ათი წლის წინ ვუსმენდით. ჰოდა, ის დროც მოვიდა, ათწლეულით უკან დავბრუნდეთ და 2015-ის ფლეილისტში შევიჭყიტოთ.

1. ადელის Hello

Hello, რომელიც პირველი სინგლია ადელის მესამე სტუდიური ალბომიდან 25, ნამდვილი მსოფლიო ჰიტი გახდა, ერთიმეორის მიყოლებით მოხსნა რეკორდები, ნომინაციები, ჯილდოები... თუმცა, ძნელი დასაჯერებელია, რომ ეს ყველაფერი 10 წლის წინ იყო.

2. ელი გოლდინგის Love Me like You Do

თუკი 2015-ში ვინმე გამუდმებით Hello-ის მისამღერს ამ გაჰკიოდა (ამ სტატიის ავტორის მსგავსად), ის ალბათ მეტისმეტად იყო გართული ელი გოლდინგის Love Me like You Do-ის მოსმენით. ამ სიმღერით, რომელიც ეროტიკული ბლოკბასტერის, გრეის ორმოცდაათი ელფერის, საუნდტრეკია, გოლდინგი პირველად იყო ნომინირებული გრემიზე.

3. ჯასტინ ბიბერის Sorry

და აი, დაშორებული წყვილების შერიგების ოფიციალურ საუნდტრეკსაც მივადექით... ნუთუ ჯასტინისა და სელენას დრამატული დაშორება-შერიგება-დაშორება-სიმღერით გათათხვიდანაც ამდენი ხანი გავიდა?!

4. დავიდ გეტას Hey Mama

თუ 2015-ში არც შეყვარებული არ იყავი და არც — შეყვარებულს დაშორებული, მაშინ საკუთარ საძინებელში აუცილებლად Hey Mama-ზე იცეკვებდი 24/7-ზე. რა, ასე არ იყო?

5. Wiz Khalifa-ისა და ჩარლი პუთის See You Again

ცეკვით და სელებრითების დრამებით დაღლილს თუ სევდა შემოგიტევდა, შეგეძლო ახალგამოსული See You Again ჩაგერთო. ეს სიმღერა, რომელიც ფილმ Furious 7 საუნდტრეკია, 2013 წელს ავარიაში გარდაცვლილი მსახიობის, პოლ უოკერის, ხსოვნას მიეძღვნა.

6. მარკ რონსონისა და ბრუნო მარსის Uptown Funk

და მაინც: მნიშვნელობა არ აქვს, სად იყავი და რას აკეთებდი 2015-ში, ამ წლის ხსენებაზე პირველი თუ არა, მეორე სიმღერა მაინც Uptown Funk მოგაგონდება, რადგან მთავარი ჰიტი იყო #1 პოზიციით ბილბორდის Hot 100-ის ჩარტში.

7. Major Lazer-ისა და DJ Snake-ის Lean On

მოახერხე და 2015 ისე დაასრულე, რომ ამ სიმღერის ცეკვა არ გისწავლია? ვერ დავიჯერებთ!

8. შონ მენდესის Stitches

შონ მენდესის სახელი 2015-ში ჯერ კიდევ არ იყო მაინცდამაინც ცნობილი, მაგრამ ეს სიმღერა, რომელიც კანადელი მუსიკოსის სადებიუტო ალბომში შედის, არაერთი ქვეყნის ჩარტებში აღმოჩნდა და მენდესის პოპულარობის ხანაც ასე დაიწყო.

9. Avicii-ის Waiting for Love

მენდესისგან განსხვავებით, ავიჩის სახელი 2015-ში არათუ ცნობილი იყო, როგორც იტყვიან, ქუხდა. შვედი მუსიკოსის ეს ჰიტი კი მის რიგით მეორე და სიცოცხლეში გამოშვებულ ბოლო ალბომში, Stories, შედის.

10. ნინა სუბლატის Warrior

დაბოლოს — ეს ჩამონათვალი სრულყოფილი ვერ იქნებოდა, ნინა სუბლატის Warrior რომ არ გვეხსენებინა. ამ სიმღერით ნინამ საქართველო 2015 წლის ევროვიზიაზე წარადგინა და თავისი შთამბეჭდავი გამოსვლით მთელი კონტინენტიც აალაპარაკა. მაგრამ 10 წელი?! დაუჯერებელია!

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...