მას [პუტინს] სურს შეხვედრა და ჩვენ ამას ვამზადებთ— ამის შესახებ აშშ-ს არჩეულმა პრეზიდენტმა, დონალდ ტრამპმა ფლორიდაში, 9 იანვარს რესპუბლიკელ გუბერნატორებთან შეხვედრისას განაცხადა. დონალდ ტრამპს მოლაპარაკებების კონკრეტული თარიღი არ დაუსახელებია, მაგრამ დაადასტურა, რომ შეხვედრა განიხილება. ინფორმაციას Reuters-ი ავრცელებს.

"პრეზიდენტ პუტინს სურს შეხვედრა. მან ეს თქვა საჯაროდაც კი და ჩვენ უნდა დავასრულოთ ეს ომი. ეს არის სისხლიანი არეულობა, — თქვა ტრამპმა შეხვედრაზე.

კრემლს ტრამპის განცხადებაზე კომენტარი ჯერ არ გაუკეთებია, თუმცა, პუტინის პრესმდივანმა დიმიტრი პესკოვმა ჟურნალისტებს განუცხადა, რომ თუ 20 იანვრის ინაუგურაციის შემდეგ ტრამპი განაგრძობს რუსეთის ხელისუფლებასთან დაკავშირებას, ამას მოსკოვში მიესალმებიან.