წმინდანად შერაცხული ქეთევან დედოფლის ნეშტი ინდოეთოდან საქართველოში ისევ ჩამოიტანეს, ამჯერად მუდმივად. 2018 წელს დედოფლის ძვლები საქართველოში ერთი თვით, 2017 წელს კი ექვსი თვით იყო ჩამოტანილი.

10 ივლისს, ინდოეთის საგარეო საქმეთა მინისტრი, სუბრაჰმანიამ ჯაიშანკარი სამების საკათედრო ტაძარში საქართველოს მართლმადიდებელი ეკლესიას ოფიციალურად გადასცემს დედოფლის ძვლებს.

საქართველოს საგარეო საქმეთა სამინისტროს ინფორმაციით, ინდოეთი მის ტერიტორიაზე არქეოლოგიური გათხრების შედეგად ნაპოვნ ისტორიულ ძეგლებს, მათ შორის სიწმინდეებს, საკუთარი კულტურული მემკვიდრეობის ნაწილად განიხილავს და ჩვეულებრივ, სხვა ქვეყნებს არ გადასცემს. თუმცა, ამ შემთხვევაში ინდოეთის პრემიერმინისტრმა გადაწყვიტა საქართველოში წმინდადან შერაცხული დედოფლის ძვლები ქვეყანას მუდმივად, უსასყიდლოდ გადასცა.

"საქართველოსა და ინდოეთის მრავალსაუკუნოვანი კეთილმეგობრული ურთერთობებებიდან გამომდინარე, საქართველოს პრემიერ-მინისტრის დავალებით და სრულიად საქართველის კათოლიკოს პატრიარქის ილია მეორის ლოცვა-კურთხევით, საქართველოს საგარეო საქმეთა სამინისტროს ჩართულობით, საქართველოს საელჩო ინდოეთში ინტენსიურ მოლაპარაკებებს აწარმოებდა ინდოეთის მხარესთან, კერძოდ ინდოეთის პრემიერ-მინისტრის ოფისთან, ინდოეთის საგარეო საქმეთა სამინისტროსთან, ინდოეთის კულტურის სამინისტროსთან და სხვა სამთავრობო უწყებებთან წმინდა ნაწილების საქართველოსთვის მუდმივ მფლობელობაში გადმოცემის თაობაზე", — ვკითხულობთ სამინისტროს განცხ ადებაში.

ინდოეთის პრემიერმინისტრი ოფიციალური ვიზიტის ფარგლებში შეხვდება პრეზიდენტ სალომე ზურაბიშვილსა და პრემიერმინისტრ ირაკლი ღარიბაშვილს. ასევე, საგარეო საქმეთა და ეკონომიკის მინისტრებს, დავით ზალკალიანსა და ნათია თურნავას.

აღსანიშნავია, რომ 2017 წელს ქეთევან დედოფლის ნეშტის საქართველოში ექვსი თვით დარჩა, მას ქვეყნის სხვადასხვა კუთხე მოატარეს და ამისთვის კულტურის სამინისტრომ 343 310 ლარი გამოიყო.

გაიგე მეტი: