ჯანდაცვის მინისტრის მოადგილის, თამარ გაბუნიას განცხადებით, "ის ყველაფერი, რაც ქვეყანაში ვაქცინების მობილიზებისთვის შესაძლოა გაკეთებულიყო, ნამდვილად შესრულდა.

"გლობალური მოწოდების პრობლემებიდან გამომდინარე და მთელი რიგი ბაზრის ანალიზის საფუძველზე ჩვენ იმის მოლოდინი არც არასდროს გვქონია, რომ მასობრივი ვაქცინაციის დაწყების შესაძლებლობა გვექნებოდა მარტში ან აპრილში. ის ერთეული დოზები, რაც კოვაქსიდან მივიღეთ ეს იყო სასტარტო პერიოდისთვის, რაც ქვეყანამ გაიარა საკმაოდ წარმატებით. ასეთი ტიპის პროგრამებში მსგავსი ხარვეზი ყოველთვის არის და სწორედ ამიტომ არის საჭირო აქტიური მეჯემენტი, თუნდაც აუდიტის სამსახურა და სხვადასხვა უწყებას შორის.

ამ შემთხვევაში ის ყველაფერი, რაც შესაძლებელი იყო ქვეყნის დონეზე გაკეთებულიყო, გაკეთდა", — განაცხადა თამარ გაბუნიამ.

Stopcove.ge-ზე მოწოდებული ინფორმაციის თანახმად, ბოლო 14 დღის განმავლობაში მოსახლეობის 2,5% აიცრა, ბოლო 7 განმავლობაში — 2,45%. სულ აცრილია — 257 974, დღიურად — 2 777.