ეკონომიკის მინისტრის, ნათია თურნავას განცხადებით, მოლოდინია, რომ თბილისისა და ქუთაისის საერთაშორისო აეროპორტები მალე გავლენ იგივე ნიშნულზე, რაც პანდემიამდე ჰქონდათ.

"ნიშანდობლივია, რომ ბათუმის საერთაშორისო აეროპორტში დღესდღეობით კვირაში 100-105 ფრენა სრულდება, რაც დაახლოებით იმდენივეა, რაც 2019 წლის ანალოგიურ პერიოდში სრულდებოდა. ეს ძალიან კარგი ნიშანია. ველოდებით, რომ თბილისისა და ქუთაისის საერთაშორისო აეროპორტებიც მალე გავლენ იგივე ნიშნულზე, რაც პანდემიამდე ჰქონდათ", — ამბობს თურნავა.

მისივე თქმით, ბათუმის აეროპორტმა 41%-ით დაიბრუნა მგზავრთნაკადის ის მაჩვენებელი, რომელიც 2019 წლის პირველი 5 თვის განმავლობაში ჰქონდა.