გასულ წელს, 81 წლის ასაკში რეჟისორი გარი მარშალი გარდაიცვალა, რომელმაც კინოსამყაროს ისეთი გამორჩეული რომანტიკული კომედიები დაუტოვა როგორებიც არის - Overboard, Pretty Woman, Runaway Bride, The Princess Diaries და ა.შ

როგორც ცოტა ხნის წინ გახდა ცნობილი, მას მუშაობა ჰქონდა დაწყებული პრინცესას დღიურების მესამე ნაწილზე და ძალიან უნდოდა მისი გადაღება, თუმცა ვერ მოასწრო. სწორედ ამიტომ, მისმა მეგობარმა პროდიუსერებმა გადაწყვიტეს ამ საქმეს თავი მოაბან და ჯენოვიას სამეფო ოჯახზე კიდევ ერთი ფილმი გამოუშვან.

ენ ჰეთეუეი, გარი მარშალი და ჯული ენდრიუსი

ენ ჰეთეუეი, გარი მარშალი და ჯული ენდრიუსი

"ძალიან სასიხარულო ამბავია, იმედი მაქვს ყველაფერი გამოვა, სიამოვნებით ვითამაშებდი ენთან [ენ ჰეთეუეი] კიდევ ერთხელ. მგონია, რომ აუცილებლად უნდა გავაკეთოთ ეს ფილმი, გარისთვის და მისი ხსოვნის უკვდავსაყოფად", - ამბობს მსახიობი ჯული ენდრიუსი.

სავარაუდოდ ფილმის გადაღებები 2018 წელს დაიწყება, ჯერ-ჯერობით უცნობია ვინ იქნება მისი ახალი რეჟისორი.