აშშ-ს ყოფილი პრეზიდენტმა, დონალდ ტრამპმა Fox News-ის ეთერში ჟენევაში ბაიდენი-პუტინის სამიტზე ისაუბრა.

ტრამპის თქმით, ის დანაღვლიანებულია, რადგან ჯო ბაიდენმა სამიტზე ვერანაირ გამარჯვებას ვერ მიაღწია, როცა რუსეთი და პუტინი ამ დღეს დომინირებდნენ.

ყოფილმა პრეზიდენტმა გაუსვა ხაზი იმას, რომ ბაიდენმა მხარი დაუჭირა NordStream II-ის მშენებლობის დასრულებას და კანადა-ამერიკის მილსადენი პროექტი გააუქმა.

"ვფიქრობ, ეს კარგი დღე იყო რუსეთისთვის. არ მგონია, რომ ჩვენ რამე მივიღეთ", — განაცხადა ტრამპმა.

16 ივნისს ჟენევაში ერთმანეთს აშშ-ს პრეზიდენტი, ჯო ბაიდენი და რუსეთის პრეზიდენტი, ვლადიმერ პუტინი შეხვდნენ. მათ დახურულ კარს მიღმა თითქმის ხუთი საათის განმავლობაში ისაუბრეს.

მოლაპარაკებების შედეგად, ორივე პრეზიდენტმა სტრატეგიული სტაბილურობის შესახებ ერთობლივი განცხადება გაავრცელა. საერთო განცხადებაში ისინი მზადყოფნას გამოთქვამენ, რომ სამომავლოდ ითანამშრომლონ და დაიწყონ დიალოგი ორმხრივ სტრატეგიულ სტაბილურობაზე.

ამავე თემაზე: