საგარეო საქმეთა მინისტრმა, მიხეილ ჯანელიძემ, რომელიც ამჟამად ბრიუსელში იმყოფება, დაადასტურა, რომ სავიზო ლიბერალზიაცია 28 მარტიდან ძალაში შევა:

"ეს უკვე დადასტურებული ოფიციალური ინფორმაციია, რომ 8 მარტს გამოქვეყნდება ოფიციალურ ჟურნალში და 28 მარტს უკვე ძალაში შევა და შემდეგ, ყველა მოქალაქეს ვისაც აქვს ბიომეტრიული პასპორტი და გაემართება ევროკავშირისკენ მოკლევადიანი ვიზიტით, ის შეძლება ამ ვიზიტის განხორციელებას".

მიხეილ ჯანელიძის თქმით, ევროკავშირის წევრ ქვეყნებში უვიზო რეჟიმით, საქართველო ეტაპობრივად უახლოვდება სრულფასოვანი წევრობის მიზანს:

"ნებისმიერი ადამიანისთვის, რომელსაც სურვილი აქვს მოკლევადიანი ვიზიტით ეწვიოს ევროკავშირს და განამტკიცოს ურთიერთობები, ამის შესაძლებლობა გაიხსნება სულ მალე, ამ თვის ბოლომდე და ეს მოიტანს უფრო მეტ ხალხთაშორის კონტაქებს".

დღეს, 1 მარტს, უვიზო მიმოსვლის შემოღებასთან დაკავშირებულ რეგულაციასა და განახლებულ შეჩერების მექანიზმს, ოფიციალურად მოაწერეს ხელი ევროპარლამენტის პრეზიდენტმა და ევროკავშირის საბჭოს თავმჯდომარე ქვეყნის წარმომადგენელმა.