ჰარი პოტერი სავსეა ჯადოქართა სამყაროს საკულტო ვიზუალებითა და გამორჩეული, სახასიათო სიმბოლოებით. ერთ-ერთი ასეთი სიმბოლო ჰარის შუბლზე არსებული ნაიარევია, რომელიც ადასტურებს, რომ სწორედ ჰარი პოტერია ის, ვინც ლორდ ვოლდემორს სძლია და ცოცხალი გადარჩა. ეს ცნობილი ვიზუალი HBO-ს სერიალში ფილმებისგან განსხვავებული სახით შეგვხვდება.

ნაიარევის ახალი ვერსია თვალსაჩინოდ გამოჩნდა Back to Hogwarts ღონისძიების აღსანიშნავად მომზადებულ მასალაში:

ფოტო: HBO

Warner Bros.-ის ფილმებში რედკლიფის ნაიარევი შედარებით სუფთა და ზუსტი ელვის ფორმის იყო და სამი მახვილი, სწორი ხაზისგან შედგებოდა (სიმართლე რომ ვთქვათ, ოდნავ ფანქრით დახატულსაც ჰგავდა). ახალი ნაიარევი უფრო უხეში, არათანაბარი და, შეიძლება ითქვას, რეალისტურია.

ფოტო: Warner Bros.

ფოტო: HBO

უნდა გავიხსენოთ, რომ ეს ნაიარევი როგორც ჰარისთვის, ისე მთელი ჯადოსნური სამყაროსთვის უდიდეს მნიშვნელობას ატარებს, რადგან ის ლორდი ვოლდემორის სასიკვდილო წყევლისგან გადარჩენის სიმბოლოა.

HBO-ს სერიალის გამოსვლამდე სულ უფრო ცოტა დრო რჩება — 1-ელ სექტემბერს, Back to Hogwarts ღონისძიების აღსანიშნავად, სერიალიდან ახალ კადრებს ვიხილავთ, 25 დეკემბერს კი მისი ოფიციალური პრემიერაც შედგება.

ასევე იხილეთ: