დღეს, 1 მარტს, უვიზო მიმოსვლის შემოღებასთან დაკავშირებულ რეგულაციასა და განახლებულ შეჩერების მექანიზმს, ოფიციალურად მოაწერეს ხელი ევროპარლამენტის პრეზიდენტმა და ევროკავშირის საბჭოს თავმჯდომარე ქვეყნის წარმომადგენელმა.

ხელმოწერილი დოკუმენტის ფოტოს რადიო თავისუფლების ბრიუსელის ბიუროს კორესპონდენტი რიკარდ იოზვიაკი ავრცელებს:

დოკუმენტი ევროკავშირის ოფიციალურ ჟურნალში, ანუ საკანონმდებლო მაცნეში რამდენიმე დღეში გამოქვეყნდება.

დოკუმენტის გამოქვეყნებიდან ზუსტად ოც დღეში, ბიომეტრიული პასპორტის მქონე საქართველოს მოქალაქეები შენგენის ზონაში უვიზოდ მიმოსვლას შეძლებენ. სავიზო ლიბერალიზაცია გულისხმობს მოკლევადიან ვიზიტებს, ანუ 90 დღეს ნებისმიერი 180 დღის განმავლობაში.

რა უნდა ვიცოდეთ ევროკავშირში უვიზოდ მოგზაურობისთვის?