მეცნიერთა საერთაშორისო გუნდი აცხადებს, რომ მათ ადამიანის გენომის სრულად გაშიფვრა შეძლეს. ცნობისთვის, ადამიანის გენომი პირველად 20 წლის წინ გაიშიფრა, თუმცა, სრული გაშიფვრისთვის კვლავ იყო გარკვეული ნაწილი დარჩენილი. კვლევა Biorxiv-ზე გამოქვეყნდა.

თუ ეს შედეგები დადასტურდება, ადამიანის გენომის დარჩენილი 8%-იც იქნება ასახული და შეგვეძლება თქმა, რომ ადამიანი გენეტიკური სიზუსტით ვიცით.

"ამის გაკეთება იმდენად რთული იყო, რომ ეს აქამდე არავის შეეძლო", — თქვა კარენ მიგამ, კალიფორნიის უნივერსიტეტის მკვლევარმა, რომელიც კვლევას ხელმძღვანელობდა.

სისწორის შემთხვევაში, ეს მნიშვნელოვანი წინსვლა იქნება გენეტიკაში, რაც შესაძლებელი გახდა ორი კერძო ფირმის მიერ შემუშავებული დნმ-ის თანმიმდევრობის ახალი ტექნოლოგიით: საუბარია Oxford Nanopore-ზე და Pacific Biosciences-ზე. ამ ორი კომპანიის ტექნოლოგიას გააჩნია მცირე, მაგრამ გადამწყვეტი უპირატესობა სხვა მსგავს ინსტრუმენტებთან შედარებით.

"რაც ამ ჯგუფმა შეძლო, ესაა საქმის ბოლომდე მიყვანა", — ამბობენ ექსპერტები.

მკვლევრების თქმით, მათ შეძლეს და დნმ-ის ფუძეების რაოდენობა 2.92 მილიარდიდან 3.05 მილიარდამდე გაზარდეს, რაც მთლიანობაში 4.5%-იანი ნახტომია. ხოლო გენების ახალი რაოდენობა — ცილების მაკოდირებლები 19,969-ით გაიზარდა, ეს 0.4%-ია.

კვლევის შედეგები ჯერ კიდევ გადამოწმებას საჭიროებს, მაგრამ თუ ის დადასტურდება, ეს ადამიანის დნმ-ზე ჩვენს ცოდნას მნიშვნელოვნად განამტკიცებს.

თუ სტატიაში განხილული თემა და მეცნიერების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ მეცნიერებასა და ტექნოლოგიებზე.