დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, კომენდანტის საათის მოხსნა დამოკიდებული იქნება იმაზე, თუ როგორ წავა ვაქცინაცია. მისი თქმით, ტურისტის 11 საათზე სახლში მისვლა ურჩევნია, დღეში 30 თანამოქალაქის დაღუპვას. ამის შესახებ მან TV პირველზე საქმიან დილაში ისაუბრა.

"ქვეყანაში ხომ პრაქტიკულად არავითარი შეზღუდვა აღარ მოქმედებს, დარჩენილია ერთადერთი რეგულაცია — ეს არის პირბადე. ნუ გასაგებია, იქვე დისტანციის დაცვა შიდა სივრცეებში რესტორნებში და დარჩენილია ეს კომენდანტის საათი 11-დან 4 საათამდე.

მესმის, მაგრამ, რა ვქნა, მაინც, 11 საათზე სახლში მისვლა ტურისტის მირჩევნია, 30 ჩემი თანამოქალაქის დაღუპვას დღეში. კიდევ ერთხელ ვამბობ, ეს [კომენდანტის საათის მოხსნა] დამოკიდებულია, რამდენი იქნება აცრებით მოცვა, როგორი იქნება რისკი დაავადების გადაცემის ანუ როგორი იქნება ავადობა 100 ათას მოსახლეზე", — განაცხადა იმნაძემ.

პირველი ივნისიდან კომენდანტის საათი 23:00 საათიდან 04:00 საათამდე მოქმედებს. მანამდე ის 17 მაისს 23:00 საათამდე გადასწიეს. აქამდე კომენდანტის საათის საღამოს 21:00 საათიდან დილის 05:00 საათამდე მოქმედებდა. ეს ერთადერთი შეზღუდვაა, რომელიც მეორედ დაწესების შემდეგ, არც წინა და არც მოქმედ სამთავრობო გუნდს არ მოუხსნია და უკვე 6 თვეზე მეტია, რაც მოქმედებს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: