სასიყვარულო ისტორიული ჟანრის ბესტსელერი წიგნების სერია — ბრიჯერტონი — ქართულ ენაზე ითარგმნება. სერიის პირველ წიგნს, ჰერცოგი და მე, ქარჩხაძის გამომცემლობა გამოსცემს.

ბრიჯერტონი ჯული პოტინგერის (ფსევდონიმით ჯულია ქუინის) შექმნილი რვაწიგნეულია, რომლის პირველი ნაწილიც 2000 წელს გამოიცა. მიუხედავად იმისა, რომ სერიის წიგნები არაერთხელ მოხვდნენ The New York Times-ის ბესტსელერების სიაში, ავტორის რომანები კი ათობით ენაზე ითარგმნა, ბრიჯერტონის პოპულარობა დიდწილად მაინც ეკრანიზაციას უკავშირდება.

რომანების მიხედვით შონდა რაიმსის მიერ გადაღებული სერიალის პრემიერა 2020 წლის დეკემბერში შედგა ნეტფლიქსზე. მას შემდეგ რვა სერიისგან შემდგარი სატელევიზიო ნამუშევარი ნამდვილ სენსაციად იქცა — პლატფორმაზე მას 82-მა მილიონმა მომხმარებელმა უყურა და ნეტფლიქსის ყველაზე ყურებადი სერიალი გახდა.

აღსანიშნავია, რომ სერიალის პრემიერიდან ერთი თვის განმავლობაში ბრიჯერტონის წიგნების სერიის 750 ათასი ეგზემპლარი გაიყიდა.

ამჟამად მიმდინარეობს სერიალის მეორე სეზონის გადაღებები. დამტკიცებულია ბრიჯერტონის მესამე და მეოთხე სეზონებიც.

ასევე იხილეთ: