როგორც იქნა, დადგა ნანატრი დღე და უეს ანდერსონის ბოლო ფილმის, The French Dispatch-ის გამოსვლის თარიღი ცნობილია: კინომანებს მისი ნახვის შესაძლებლობა 22 ოქტომბრიდან შეეძლებათ. ფილმის პრემიერა ივლისში, კანის კინოფესტივალზე შედგება.

ფილმის გამოსვლის თარიღი პანდემიის გამო რამდენჯერმე გადაიდო. თავდაპირველად მისი პრემიერა 2020 წლის ივლისში, შემდეგ კი იმავე წლის ოქტომბერში იგეგმებოდა.

The French Dispatch-ში მოქმედება მეოცე საუკუნეში, საფრანგეთის ერთ-ერთ გამოგონილ ქალაქში ვითარდება და ამერიკული გაზეთის ჟურნალისტის შესახებ მოგვითხრობს. ახალი ფილმის სამსახიობო გუნდი ერთმანეთზე უფრო შთამბეჭდავი მსახიობებისგან შედგება, რომელთა შორისაც არიან: ფრენსის მაკდორმანდი, ბილ მიურეი, ტიმოთი შალამე, ტილდა სუინტონი, სირშა რონანი, კრისტოფ ვალცი, ედრიენ ბროუდი, ელიზაბეტ მოსი, ჯეფრი ვრაიტი, უილემ დეფო, ოუენ უილსონი, ლეა სედუ და ბენისიო დელ ტორო.

ეს წელი უეს ანდერსონის გულშემატკივრებისთვის ნამდვილად სასიამოვნოა, რადგან ცოტა ხნის წინ გავრცელებული ინფორმაციის მიხედვით, რეჟისორი ახალი ფილმის გადასაღებად წელს ესპანეთს ეწვევა.

ამავე თემაზე: