ნიკოლ ფაშინიანი საქართველოს ირაკლი ღარიბაშვილს საქართველოს დამოუკიდებლობის დღეს ულოცავს. ფაშინიანი აღნიშნავს, რომ საუკუნის წინ ქართველებმა გამოხატეს მტკიცე ნება სახელმწიფოებრიობაზე და დღემდე ადასტურებენ ერთგულებას ამ მისწრაფების მიმართ.

"გულწრფელად გილოცავთ თქვენ და მეგობარ ქართველ ხალხს თქვენი ქვეყნის ეროვნულ დღესასწაულს — დამოუკიდებლობის აღდგენის დღეს!

საუკუნეზე მეტი გავიდა მას შემდეგ, რაც მეგობარმა ქართველმა ხალხმა გამოხატა თავისი მტკიცე ნება სახელმწიფოებრიობასთან დაკავშირებით, ხოლო დღეს ქართველები განუხრელად ადასტურებენ ერთგულებას ამ მისწრაფების მიმართ ქართული სახელმწიფოს მშენებლობისა და განვითარების გზით", — წერია მის განცხადებაში.

გარდა ამისა, ფაშინიანი აღნიშნავს, რომ საქართველომ და სომხეთმა უნდა იხელმძღვანელონ საერთო ხედვით, რომლის თანახმად ქვეყნებს დიდი სამუშაო ელით როგორც ორმხრივი ურთიერთობების, ისე რეგიონული პროცესების თვალსაზრისით

"ძვირფასო პრემიერ-მინისტრო, სახელმწიფოს მშენებლობის პროცესში სომხეთმა და საქართველომ შექმნეს თანამშრომლობის ისეთი ფუნდამენტური წინაპირობები, რომლებითაც ყველაზე უკეთაა უზრუნველყოფილი ორმხრივი ურთიერთობების შენარჩუნება და განვითარება.

ჩვენ უნდა ვიხელმძღვანელოთ საერთო ხედვით, რომლის თანახმად ჩვენს ქვეყნებს დიდი სამუშაო ელით როგორც ორმხრივი ურთიერთობების, ისე რეგიონული პროცესების თვალსაზრისით. ამ კონტექსტში გიდასტურებთ ჩვენს ურყევ გადაწყვეტილებას სომხეთსა და საქართველოს შორის თანამშრომლობის გაღრმავებასთან და ახალი მიღწევებით მის გამდიდრებასთან დაკავშირებით", — აცხადებს ის.