დავით გარეჯში ფორმულას გადამღებ ჯგუფს აგრესიით დახვდნენ. ინფორმაციას ამის შესახებ თავად ტელევიზია ავრცელებს. ფორმულამ ამის ამსახველი ვიდეო გაავრცელა, სადაც ისმის, რომ მოქალაქე მედიის წარმომადგენლებს სიტყვიერად უპირისპირდება.

"წადით აქედან სანამ კარგად ხართ, სოფელში არ გამოჩნდეთ. იმას თუ დასდევთ თქვენ, იმ მოღალატეს დავით გარეჯზე ვინც ის თქვა, წადით, სანამ კარგად ხართ, სოფლიდან წადით. არაფრის გარკვევა არ გვინდა ჩვენ, თქვენი ტელევიზიებია ის ფორმულა და ისინი, აჭრელებული რომ გაქვთ. წადით-მეთქი, თორემ თავებს წაგაჭრით დღესვე", — ეუბნება ის მედიის წარმომადგენლებს.

მედიის ცნობით, ეს ის სოფელია, სადაც გუშინ კარტოგრაფ ივერი მელაშვილსა და მთავარი არხის ჟურნალისტს თავს დაესხნენ. 4 მაისს დავით გარეჯში მთავარი არხის გადამღებ ჯგუფსა და კარტოგრაფ ივერი მელაშვილს დაუპირისპირისპირდნენ. ტელეკომპანიის გავრცელებულ კადრებში ჩანს, რომ აგრესიული სასულიერო და სამოქალაქო პირები მელაშვილს ემუქრებიან და ჟურნალისტს ფიზიკურად უხეშად ეხებიან.