ევროპელი სოციალისტების ერთ-ერთი ლიდერის, დავით ზილფიმიანის თქმით, ის ადამიანი ვინც, შეყვარებულს უმღერის, აღვიძებს ვიღაცას და ის, ვინც აგრესიას გამოხატავს ერთნაირად არ უნდა დაისაჯონ.

"წვრილმანი ხულიგნობაა ის, როდესაც ახალგაზრდა ადამიანი, შეიძლება, შემთხვევით დალია და რაღაც ხმაურს იწვევს ქუჩაში, ან შეყვარებულს უმღერის და აღვიძებს ვიღაცას, მაგრამ იგივე წვრილმანი ხულიგნობაა ადამიანი აგრესიას რომ გამოხატავს, რომ გაგინებს, გაფურთხებს, თავზე ნაგავს გაყრის, შეურაცხყოფას გაყენებს ხშირად ბაბუისტოლა კაცს, ანუ ის და ეს ერთნაირად უნდა დაისაჯოს, მე თუ მკითხავთ, არ შეიძლება, რომ ის ადამიანი... 500 ლარი რა უბედურებაა იმ ადამიანისთვის, ვინც სიმღერის გამო დაიჭირეს", — განაცხადა ზილფიმიანმა.

ახალი კანონპროექტის თანახმად, ადმინისტრაციულ სამართალდარღვევათა კოდექსში ცვლილებები შედის, რის შედეგადაც წვრილმანი ხულიგნობისა (166-ე მუხლი) და სამართალდამცველის მოთხოვნისადმი დაუმორჩილებლობისთვის (173-ე მუხლი) სანქციები იზრდება.

ამასთან ცვლილება ეხება 12-საათიან პატიმრობასაც. კერძოდ, მოქმედ კანონში წერია, რომ ადმინისტრაციული სამართალდარღვევის ჩამდენის დაკავების ვადა არ უნდა აღემატებოდეს 12 საათს, ხოლო თუ ეს დაკავება არასამუშაო დროს ემთხვევა, ადამიანი შეიძლება დროებითი მოთავსების იზოლატორში მოათავსონ საქმის განხილვამდე, თუმცა დაკავების საერთო ვადა არ უნდა აღემატებოდეს 48 საათს. გასულ წელს საკონსტიტუციო სასამართლომ დაადგინა, რომ 48-საათიანი ნორმა არაკონსტიტუციურია, რადგან განსხვავებულ მოპყრობას აწესებს. თუმცა ქართული ოცნება ცვლის არა ამ კონკრეტულ ჩანაწერს, არამედ ზრდის პირველ, 12-საათიან ვადას და მიზნად თანასწორი მოპყრობის უზრუნველყოფას ასახელებს.

კანონპროექტს აკრიტიკებენ არასამთავრობო ორგანიზაციებიც:

ახალგაზრდა იურისტთა ასოციაცია

საერთაშორისო გამჭვირვალობა — საქართველო

სოციალური სამართლიანობის ცენტრი