აშშ-ის ენერგეტიკის მინისტრმა, კრის რაითმა, Fox News-ის ეთერში სამშაბათს განაცხადა, რომ რუსეთის ნავთობის სანქცირება უკრაინაში ომის დასრულების მიზნით "ძალიან რეალური შესაძლებლობაა". ამის შესახებ ინფორმაციას Reuters ავრცელებს.

პრეზიდენტმა დონალდ ტრამპმა მიმდინარე თვეში განაცხადა, რომ ვაშინგტონმა რუსეთის ნავთობის მყიდველებზე შესაძლოა 100%-იანი ტარიფები დააწესოს და შემოიღოს სხვა სანქციებიც, თუკი მოსკოვი მასშტაბურ სამშვიდობო შეთანხმებას უკრაინასთან არ დასთანხმდება. ეს ვადა სექტემბრის დასაწყისში იწურება.

"ეს უზარმაზარი ზეწოლაა რუსეთისთვის [...] ეს ყველაზე დიდი ზეწოლაა, რაც მათზე შეიძლება განვახორციელოთ " — თქვა რაითმა Fox News-ის გადაცემაში.

აშშ მსოფლიოში ნავთობისა და გაზი უმსხვილესი მწარმოებელია. რაითის თქმით, ეს არის პოზიცია, რომელიც, ქვეყანას საშუალებას აძლევს, განახორციელოს ისეთი ქმედებები, რაც ადრე წარმოუდგენელი იყო.

მიუხედავად ამ პოზიციისა, ტრამპის ადმინისტრაციას სერიოზული სანქციები რუსეთის ნავთობზე ჯერ არ დაუწესებია.