ახალგაზრდებისთვის განათლების მიღების შესაძლებლობების შესაქმნელად, საქართველოს ბანკმა 2019 წელს ინოვაციური ბიბლიოთეკების — იდეათეკების პროექტი დაიწყო.

ინიციატივის მიზანი მოსწავლეებისთვის ხარისხიან განათლებაზე ხელმისაწვდომობის ზრდა, მეცნიერების პოპულარიზაცია, ახალგაზრდებში ცოდნისა და ახალი აღმოჩენების მიმართ სიყვარულის ჩამოყალიბებაა.

სწორედ ამიტომ, საქართველოს ბანკის ინიციატივითა და პარტნიორების მხარდაჭერით, იდეათეკების მულტიფუნქციური საგანმანათლებლო სივრცეები სხვადასხვა სკოლაში იხსნება, რაც რეგიონებში, მაღალმთიან, საზღვრისპირა სოფლებში, განათლებაზე ხელმისაწვდომობის გაზრდის ხელშეწყობას ისახავს მიზნად.

ყოველი იდეათეკა აღჭურვილია მრავალფეროვანი ბიბლიოთეკით, შემეცნებისთვის საჭირო რესურსებით — კომპიუტერებითა და პროექტორებით; მოწყობილია STEM კუთხე, სადაც მოსწავლეებს შეუძლიათ, იპოვონ მომავლის პროფესიებისთვის საბაზისო ცოდნის მისაღებად საჭირო ყველა ინსტრუმენტი.

დღეს, საქართველოს ბანკის მულტიფუნქციური ბიბლიოთეკა — იდეათეკა საქართველოს 11 რეგიონის 25 სკოლაში ფუნქციონირებს და 18 000-ზე მეტი მოსწავლისთვის ქმნის განათლების შესაძლებლობას.

ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითიც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების მიღების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიცაა: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები — საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი ­— STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვ.

საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge