2021 წლის ოსკარების ცერემონია პირველი დაჯილდოვება არ არის, სადაც ფრენსის მაკდორმანდმა სამადლობელი სიტყვა წარმოთქვა. მას უკვე ჰქონდა 2 ოსკარი ქალის მთავარი როლის შესრულებისთვის. ალბათ გახსოვთ, 2018 წელს მისი ექსტრავაგანტული გამოსვლა, როდესაც ყველა ქალ ნომინანტს, სხვადასხვა კატეგორიებში, ფეხზე წამოდგომა სთხოვა და პროდიუსერებს, მოუწოდა თითოეულ მათგანთან ემუშავათ და მათთვის ახალი შესაძლებლობები მიეცათ.


ფრენსისმა მესამე ოსკარი აიღო ქალის მთავარი როლის შესრულებისთვის ფილმში Nomadland. მისი სამადლობელო სიტყვა ამჯერად ძალიან მოკლე იყო, თუმცა მას სცენაზე ამოსვლა მეორედ მოუწია, როდესაც Nomadland-მა წლის საუკეთესო ფილმის კატეგორიაში გაიმარჯვა.

ფრენსისს იმიტაციის ნიჭი სწორედ აქ გამოვლინდა. "ეს ვულფს ეძღვნება", — განაცხადა მსახიობმა და მგელივით დაიწყო ყმუილი.

დარბაზში ამ საქციელმა მხიარული რეაქცია გამოიწვია, თუმცა შემდეგ აღმოჩნდა, რომ ფრენსისის ამ ჟესტის უკან ტრაგიკული ისტორია იმალება.

ხმის რეჟისორი მაიკლ ვოლფ სნაიდერი, რომელიც მოხეტიალეთა მიწის გადაღებებზე მუშაობდა, გარდაცვლილი იპოვეს. იგი წლების განმავლობაში ებრძოდა დეპრესიას და ცხოვრება თვითმკვლელობით დაასრულა. სწორედ მას მიუძვღვნა ფრენსისმა ეს ემოციური გამოსვლა.

"მაიკლს ძალიან გაუჭირდა თვითიზოლაციაში ცხოვრება", — ამ ტექსტით გამოაქვეყნა განცხადება სოციალურ ქსელში, მაიკლის მამამ, დევიდ სნაიდერმა. "მას ძალიან უხაროდა ფილმის წარმატება და ბევრ მხიარულ ისტორიას გვიყვებოდა გადაღებიდან", — თქვა მან.

ფოტო Nomadland-ის გადასაღები მოედნიდან

ფოტო: Searchlight Pictures/Courtesy Everett Collection

ფილმის რეჟისორს ქლოა ჭაოს ვოფლთან ერთად სხვა ფილმებზეც უმუშავია. მან ხმის რეჟისორზე ინტერვიუში ისაუბრა: "ყველა ლოკაციაზე გადაღების დასრულების შემდეგ, ჩუმად ვისხედით და ბუნების ხმებით ვტკბებოდით, მე ის მუდამ მომენატრება"

თავის სიტყვაში ფრენსისმა მაყურებელს მოუწოდა, რომ აუცილებლად ნახონ წლევანდელი ფილმები კინოთეატრებში, მეგობრებთან ერთად. ქართველი მაყურებლისთვის მოხეტიალეთა მიწის ნახვა კინოთეატრებში უკვე შესაძლებელია.