სამეგრელო-ზემო სვანეთის სამხარეო პოლიციის უფროსის, ნიკოლოზ დიასამიძის განცხადებით, სალხინოს ტაძარში მომხარი დაპირისპირების ფაქტზე გამოიძიება დაიწყო.

"შესწავლილ იქნა ინცინდენტი, მომხდარ ფაქტთან დაკავშირებით დაწყებულ იქნა გამოიძიება სისხლის სამართლის კოდექსის 126-ე მუხლით, რაც, თავისთავად, ცემას გულისხმობს. ტარდება შესაბამისი საგამოძიებო ღონისძიებები. დანარჩენ დეტალებზე, რაც გამოკვეთილი იქნება გამოძიების ფარგლებში, გაცნობებთ მოგვიანებით. მიმდინარე ეტაპზე კითხვები რომ არ იყოს, მიმდინარეობს 2 ადამიანის დაკითხვა, ამ ეტაპზე დაკავებული არავინ არ არის", — განაცხადა მან.

დღეს სალხინოს მამათა მონასტერში რამდენიმეჯერ მოხდა დაპირისპირება. პირველად მაშინ, როცა იქ მეუფე სტეფანეს მხარდამჭერი ბიზნესმენი, კლიმენტი კეკუტია გამოჩნდა. მეორე დაპირისპირება თავად მეუფე სტეფანეს გამოჩენას მოჰყვა.