ქალთა მოძრაობა მაყაშვილს მხარდაჭერას უცხადებს და წულუკიანს გამოხმაურებისკენ მოუწოდებს
ქალთა მოძრაობა მსახიობ ნინუცა მაყაშვილს, რომელმაც ყოფილი ქმარი ოჯახში ძალადობაში დაადანაშაულა, უპირობო სოლიდარობას უცხადებს. მათი თქმით, მაშინ, როცა საზოგადოება არ არის საკმარისად შეუწყნარებელი ამ ტიპის დანაშაულებების მიმართ, მსხვერპლი ქალის მხრიდან საკუთარ გამოცდილებაზე საუბარი მნიშვნელოვან გამბედაობას მოითხოვს.
"ჩვენს ქვეყანაში, სადაც ოჯახში ძალადობა სამწუხაროდ ხშირი მოვლენაა, საზოგადოება კი ჯერ კიდევ არ არის საკმარისად შეუწყნარებელი ამ ტიპის დანაშაულის მიმართ, მსხვერპლებს დიდი ძალის და გამბედაობის მოკრება სჭირდებათ საკუთარ გამოცდილებაზე ღიად და საჯაროდ სასაუბროდ.
ამ რეალობაში, კიდევ უფრო დასაფასებელი და მაგალითის მიმცემია ნინუცა მაყაშვილის გადაწყვეტილება ხმამაღლა ესაუბრა ყოფილი მეუღლის, რუსთაველის ეროვნული თეატრის მსახიობის, ბესო ზანგურის მხრიდან განხორციელებულ ძალადობაზე. გვჯერა, რომ მისი გამბედაობა გადამდები იქნება და ბევრი ქალისთვის გახდება სტიმული", — ვკითხულობთ ქალთა მოძრაობის განცხადებაში.
გამომდინარე იქიდან, რომ როგორც თავად მაყაშვილი, ისე მისი ყოფილი ქმარი, ბესო ზანგური თეატრის მსახიობები არიან, ქალთა მოძრაობაში აცხადებენ, რომ ეს არის "გამოცდა ქართული თეატრალური საზოგადოებისათვის". მოძრაობა ეხმაურება რუსთაველის თეატრის სამხატვრო ხელმძღვანელის, რობერტ სტურუას განცხადებებსა და შეფასებებს, როცა მან მაყაშვილს ბრალდება კომუნისტურ რეპრესიებს შეადარა.
"ეს არ არის მხოლოდ რიგითი სამარცხვინო განცხადება თუ კომენტარი. ესაა რუსთაველის ეროვნულ თეატრში აბსოლუტური ძალაუფლების მქონე პირის გენდერული მიკერძოება და წინასწარი განწყობა, რომელიც ხელს შეუშლის მას ამ დაწესებულების მართვაში და აქ მომუშავე ქალებისათვის უსაფრთხო, პატივისცემაზე დაფუძნებული, კეთილგანწყობილი, თანასწორი გარემოს შექმნაში, ანტიდისკრიმინაციული თუ ძალადობის წინააღმდეგ მიმართული მექანიზმების დანერგვაში.
ჩვენთვის მიუღებელია, როდესაც რობერტ სტურუა რეპრესიებად მოიხსენიებს თეატრის შიგნით გამოხატულ სოლიდარობის აქტებსაც და ამ სახით, როგორც ჩანს, მათ აღკვეთასაც ცდილობს. მას ავიწყდება, რომ ქალები მაყურებლებს შორისაც ვართ და დასის წევრებს შორისაც. ბევრი ჩვენგანი გამხდარა ოჯახში თუ მის გარეთ ძალადობის მსხვერპლი და ასეთი დამოკიდებულებები გვიქმნის მტრულ გარემოს ჩვენს გამოცდილებებზე სასაუბროდ", — ვკითხულობთ განცხადებაში.
ქალთა მოძრაობა, ასევე, მოითხოვს, ძალადბაში ბრალდებული ბესო ზანგური გამოძიების დასრულებამდე ჩამოშორდეს თეატრში.
ქალთა მოძრაობა მიმართავს კულტურის მინისტრს, თეა წულუკიანს და მოუწოდებს დააფიქსიროს პოზიცია როგორც სავარაუდო ძალადობის შემთხვევაზე, ისე ამ ფაქტზე სახელმწიფო თეატრის დირექტორის შეფასებაზე. გარდა ამისა, ისინი მოუწოდებენ წულუკიანს მის დაქვემდებარებაში მყოფ სფეროებში ანტიდისკრიმინაციული და ანტიძალადობრივი პოლიტიკის მექანიზმების შექმნას.
ქალთა მოძრაობა, ასევე, მოუწოდებს სახალხო დამცველს შესაბამისი რეგაირება მოახდინოს რობერტ სტურუას განცხადებებზე. ასევე, მოითხოვენ დროულად დაიწყოს გამოძიება აღნიშნულ ფაქტზე.
"ოჯახში ძალადობის არც ერთი შემთხვევა არ უნდა დარჩეს დაუსჯელი", — აცხადებენ ქალთა მოძრაობაში.
მსახიობმა და ტელეწამყვანმა, ნინუცა მაყაშვილმა ყოფილ ქმარი, რუსთაველის თეატრის მსახიობი, ბესო ზანგურს ოჯახში ძალადობაში რუსთავი 2-ის გადაცემა ფარულ კონვერტში სტუმრობისას დაადანაშაულა.
"არ მახსოვს რა იყო მიზეზი, მაგრამ მახსოვს, რომ ეს ყველაფერი გააკეთა თავისი ოჯახის წევრების წინ და მე ვიყავი ორსულად. ხელის აღებაც არ იყო. ანუ, რეალურად, ძალიან [მცემა]", — განაცხადა მან.
ბესო ზანგური ყოფილ ცოლზე ძალადობას უარყოფს და აცხადებს, რომ მზად არის გამოძიებას კითხვებზე პასუხები გასცეს.
"დაიწყონ გამოძიება, მოხარული ვიქნები რომ გამოძიებას გავცე პასუხები. [...] მანამდეც მყოლია ცოლი, ნინუცა მაყაშვილამდე და მის მერეც, ახლაც მყავს. არცერთი ასეთ რაღაცას არც იგონებს, არც ადასტურებს", — აცხადებს ის რუსთავი 2-თან.
მაყაშვილს სოლიდარობა არაერთმა კოლეგამ და ცნობილმა სახემ გამოუცხადა. თავად ზანგური ყველა მსახიობს, ვინც მაყაშვილს სოლიდარობას უცხადებს, რუსთაველის თეატრსა და მის სამხატვრო ხელმძღვანელზე, რობერტ სტურუაზე თავდასხმაში ადანაშაულებს.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები